Skotið var á 11 manneskjur á tölvuleikjamóti á spilastofu í Jacksonville í Florida fyrir skömmu síðan. Fjórir eru látnir eftir skotárásina en þrír liggja á sjúkrahúsi. Ástand þeirra er stöðugt. Aðrir eru ekki í hættu.

Einn árásarmaður er látinn eftir skot frá lögreglu en ekki er vitað hvort fleiri voru að verki.

Sjá nánar á vef CNN

Fréttin verður uppfærð

Samkvæmt nýjustu fréttauppfærslu Sky News voru 11 særðir og fjórir myrtir í árásinni. Talið er núna að árásarmaðurinn hafi verið einn, hvítur karlmaður, sem var skotinn til bana. Lögregla leitaði af sér allan grun á staðnum varðandi mögulega samverkamenn ódæðismannsins.

Forseti Bandaríkjanna, Donald Trump, hefur verið upplýstur um málið.

Uppfært: 

Samkvæmt Sky News var morðinginn látinn á vettvangi er lögregla kom og er talið að hann hafi tekið eigið líf. Var hann einn að verki og er hvítur karlmaður. Nánari upplýsingar um hann liggja ekki fyrir.