Samgöngustofa hefur kyrrsett flugflota Flugakademíu Keilis í annað sinn. Frá þessu greinir RÚV. Ástæðan var sú að flugvirki sem starfaði við eftirlit á vélunum og sá um að votta um ástand þeirra hafði ekki tilskilin leyfi.

Flugfloti Flugakademíunnar var einnig kyrrsettur í nokkrar vikur á síðasta ári og var þá af sambærilegri ástæðu og nú.

Í samtali við RÚV segir Rúnar Árnason forstöðumaður Flugakademíu Keilis að komið hafi í ljós að skoðun á nokkrum flugvélum var staðfest af réttindalausum starfsmanni. Verið sé að endurskipuleggja allt viðhaldskerfi og þar með verkferla.

Þá segir Hjálmar Árnason framkvæmdastjóri Keilis að í kjölfar kyrrsetningarinnar á seinasta ári hefði verið farið yfir alla ferla og gæðahandbækur og verkskipulag endurskoðað. Segir hann kyrrsetninguna hluta af því að auka gæði