fbpx
Miðvikudagur 24.apríl 2019

DV - Frjáls og óháður miðill

Fréttir

Bubbi borgar en ekki RÚV: „RÚV virðist vera að sækjast eftir rétti til þess að dreifa ærumeiðandi ummælum“

Ritstjórn DV
Miðvikudaginn 15. ágúst 2018 12:14

Ekki missa af Helstu tíðindum dagsins í pósthólfið þitt

Lesa nánar

Steinar Berg Ísleifsson segir í tilkynningu að hann hafi samið við Bubba Morthens vegna meiðyrðamáls sem Steinar höfðaði gegn honum. Hann segir þó að RÚV ætli sér að áfrýja málinu.

Héraðsdómur Reykjavíkur dæmdi á dögunum að orð Bubba í þættinum Popp og rokksaga Íslands, sem RÚV stóð að framleiðslu á og sýndi, væru dauð og ómerk. Niðurstaðan var að Bubbi og RÚV þyrftu hvort um sig að greiða Steinari Berg 250.000 krónur í miskabætur ásamt 2 milljónum króna í málskostnað.

„Í dómi Héraðsdóms Reykjavíkur frá 26. 7. s.l. í máli Steinars Berg Ísleifssonar gegn stefndu, Bubba Morthens og Ríkisútvarpinu ohf. (RÚV) var stefndu gert að greiða Steinari 500.000 kr. í miskabætur með dráttavöxtum og 2.000.000 kr. í málskostnað. Að auki var RÚV dæmt óheimilt að birta þættina með þeim ummælum sem dæmd voru dauð og ómerk. Til viðbótar var RÚV gert að birta dómsorð innan tveggja vikna frá uppkvaðningu dómsins í dagskrá sjónvarps og einnig, ásamt forsendum, á vefsíðu sinni,“ segir Steinar Berg.

Hann segir að Bubbi hafi samið við sig. „Bubbi Morthens hefur tilkynnt undirrituðum, Steinari Berg, að hann hyggist ekki áfrýja og því eru ummæli hans, sem tiltekin eru í dómnum, dæmd dauð og ómerk.  Undirritaður hefur fallist á að taka við greiðslu frá Bubba fyrir helmingi þeirrar upphæðar sem dæmdu, Bubba og RÚV, var gert að greiða honum og þar með er málinu lokið af hans hálfu gagnvart Bubba Morthens,“ segir Steinar Berg.

Steinar Berg gagnrýnir RÚV sérstaklega í tilkynningunni: „Sá tími sem RÚV hafði til birtingar dómsorðs og forsendna, er nú liðinn, án þess að RÚV hafi farið að niðurstöðu dómsins. Fyrir liggur að RÚV ætlar að áfrýja dómnum. Þar með virðist RÚV vera að sækjast eftir rétti til þess að dreifa ærumeiðandi ummælum, jafnvel eftir að dómur liggur fyrir og þrátt fyrir að um RÚV gilda lög og siðareglur sem kveða á um hlutleysi og vönduð vinnubrögð.

Dómur Héraðsdóms gagnvart RÚV snýst um gáleysi í vinnubrögðum, því RÚV endursýndi þáttinn og gaf út á DVD eftir að hafa borist ábending frá undirrituðum um að þátturinn innihéldi ærumeiðandi ummæli. Ætla mætti að ríkisstofnun sem ætlað er að vinna að almannaheill mæti hlutverk sitt og fjárhag öðruvísi. Sú er ekki raunin og því hlýtur afstaða RÚV að vekja upp spurningar um hlutverk stofnunarinnar í nútíma samfélagi.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 22 klukkutímum

Lögregla lagði hald á mikið magn kannabis og amfetamíns

Lögregla lagði hald á mikið magn kannabis og amfetamíns
Fréttir
Fyrir 22 klukkutímum

Sara Sjöfn fokreið: „Hvað er verið að bjóða okkur uppá?“

Sara Sjöfn fokreið: „Hvað er verið að bjóða okkur uppá?“
Fréttir
Í gær

Segir Kristjáni Þór til syndanna: „Svei þér Kristján Þór, svei þér“ – Sakar stjórnvöld um alvarlegar blekkingar

Segir Kristjáni Þór til syndanna: „Svei þér Kristján Þór, svei þér“ – Sakar stjórnvöld um alvarlegar blekkingar
Fréttir
Í gær

Margir ökumenn handteknir á höfuðborgarsvæðinu í nótt

Margir ökumenn handteknir á höfuðborgarsvæðinu í nótt
Fréttir
Fyrir 2 dögum

Margir minnast Atla Heimis: „Fyrsti besti vinur minn í þessu lífi“

Margir minnast Atla Heimis: „Fyrsti besti vinur minn í þessu lífi“
Fréttir
Fyrir 2 dögum

Lögreglan leitar að skemmdarvargi: „Í morgun blasti þessi sjón við honum“

Lögreglan leitar að skemmdarvargi: „Í morgun blasti þessi sjón við honum“
FréttirPressan
Fyrir 3 dögum

Þessi spurning leiddi til handtöku eiginmannsins, 38 árum eftir að hún hvarf

Þessi spurning leiddi til handtöku eiginmannsins, 38 árum eftir að hún hvarf
Fréttir
Fyrir 3 dögum

Vilhjálmur orðlaus: Vörur fyrirtækisins verði sniðgengnar – „Þessi hótun er með svo miklum ólíkindum“

Vilhjálmur orðlaus: Vörur fyrirtækisins verði sniðgengnar – „Þessi hótun er með svo miklum ólíkindum“