fbpx
Sunnudagur 24.mars 2019

DV - Frjáls og óháður miðill

Fréttir

Eiginkona Benny kennir #MeToo-byltingunni um sjálfsvíg hans

Ritstjórn DV
Þriðjudaginn 31. júlí 2018 22:00

Ekki missa af Helstu tíðindum dagsins í pósthólfið þitt

Lesa nánar

Í mars síðastliðnum framdi Benny Fredriksson, fyrrverandi leikhússtjóri borgarleikhússins í Stokkhólmi, sjálfsvíg. Óhætt er að segja að dauði hans hafi verið mörgum áfall en hann ákvað að segja starfi sínu lausu í desember í fyrra í kjölfar umfjöllunar Aftonbladet.

Í umfjöllun blaðsins var fjallað um stjórnendastíl hans; mörgum virðist hafa þótt Benny vera harður í horn að taka, hann hafi verið stjórnsamur og stundum kallaður hinn „litli Hitler“. Þá kom fram að Benny hafi þvingað leikkonur til að fækka fötum áður en þær æfðu á fjölum leikhússins. Loks hafi hann þvingað eina konu til að fara í fóstureyðingu og svo framvegis.

Rannsókn eftir sjálfsvíg Benny, sem var 58 ára, leiddi vissulega í ljós að stjórnendahættir hans voru ekki allra en hún leiddi einnig í ljós að margar þeirra fullyrðinga sem fram komu voru beinlínis rangar. Til dæmis að hann hafi þvingað konu í fóstureyðingu.

Nú hefur eftirlifandi eiginkona Benny, óperusöngkonan Anne Sofie von Oter, stigið fram og gagnrýnt #MeToo-byltinguna harðlega. Hún segir að #Metoo beri hreinlega ábyrgð á dauða Bennys.

Í viðtali við Die Zeit í Þýskalandi segir hún að Benny hafi ekki sýnt af sér dólgslega kynferðislega tilburði og að ásakanirnar gegn honum hafi verið liður í ófrægingarherferð, markmiðið hafi verið að gera upp gamlar sakir. Anne Sofie segir að ábyrgð fjölmiðla sé mikil þegar kemur að málum sem þessum. Markmið þeirra sé að lokka að sér lesendur með krassandi frásögnum og fyrirsögnum sem stundum ekki eiga ekki við rök að styðjast.

„Við erum ekki lengur á miðöldum þar sem tíðkaðist að setja fólk í gapastokkinn, hrækja á það eða grýta það opinberlega.“ Segist hún vona að dauði Bennys verði til þess að vekja fjölmiðlafólk til umhugsunar um ábyrgðina sem það hefur.

Þess má geta að Aftonbladet var sektað fyrir umfjallanir sínar um Benny.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Gunnar Smári : „Það þarf ekki að skammta plássið á Netinu, það er nóg pláss fyrir alla.“

Gunnar Smári : „Það þarf ekki að skammta plássið á Netinu, það er nóg pláss fyrir alla.“
Fréttir
Í gær

Bátur strandaður á Jökulfjörðum

Bátur strandaður á Jökulfjörðum
Fréttir
Í gær

Erlendar bókunarþjónustur beita íslenska gististaði refsingum ef þeir fara ekki eftir reglum

Erlendar bókunarþjónustur beita íslenska gististaði refsingum ef þeir fara ekki eftir reglum
Fréttir
Í gær

Birgir hrökk í kút: Beinbrotinn ástvinur með alzheimer beið í 7 mánuði eftir vistun á hjúkrunarheimili

Birgir hrökk í kút: Beinbrotinn ástvinur með alzheimer beið í 7 mánuði eftir vistun á hjúkrunarheimili
Fréttir
Fyrir 2 dögum

Hnefaleikakappi safnar fyrir Fanneyju sem berst við alvarlegt krabbamein

Hnefaleikakappi safnar fyrir Fanneyju sem berst við alvarlegt krabbamein
Fréttir
Fyrir 2 dögum

Örpistill Kára vekur athygli: „Annaðhvort er maðurinn ljósárum á undan öllum í gáfum eða eitthvað er byrjað að gefa sig“

Örpistill Kára vekur athygli: „Annaðhvort er maðurinn ljósárum á undan öllum í gáfum eða eitthvað er byrjað að gefa sig“