fbpx
Sunnudagur 24.mars 2019

DV - Frjáls og óháður miðill

Fréttir

Birgir hefur skipt um skoðun: „Ég bið alla sem við höfum sært með okkar framferði afsökunar“

Ritstjórn DV
Þriðjudaginn 31. júlí 2018 09:27

Mynd: Facebook

Ekki missa af Helstu tíðindum dagsins í pósthólfið þitt

Lesa nánar

„Síðasta sólahringinn hafa miklar og skoðanasterkar umræður myndast eftir að tónlistarmaðurinn Króli hóf umræðu um farðanir hljómsveitarinnar The Hefners sem ég er söngvari í. Eins og ég hef sagt í fyrri yfirlýsingu er hatur og illska víðs fjarri okkar sýningu þó einhverjir sjái annað úr þessu,“ segir Birgir Sævarsson, söngvari hljómsveitarinnar The Hefners.

Gagnrýni Kristins Óla Haraldssonar, Króla, á liðsmönnum sveitarinnar vakti talsverða athygli um helgina. Króli gagnrýndi sveitina fyrir að koma fram á mærudögum á Húsavík í svokölluðu „blackface“-gervi.

„Þannig var að nokkrir hljómsveitarmeðlimir hafa litað andlit sitt dökkt svo við svipum til hljómsveitarinnar Earth, wind and fire auk annarra banda í þeim flokki tónlistar. Við höfum því verið að heiðra þetta frábæra band ásamt öðrum í gegnum árin og þykir okkur miður að það minnir einhverja á ljóta sögu réttindabaráttu litaðs fólks. Það er mín persónulega skoðun að þetta var ónærgætið og í raun ekki hugsað af minni hálfu fyrr en ábendingar rignuðu yfir mig,“ segir Birgir í færslu sem hann skrifaði á Facebook í gær.

Hann segist nú hafa skipt um skoðun og biður þá afsökunar sem liðsmenn sveitarinnar hafa mögulega sært.

„Ég hef semsagt breytt um skoðun, það er það fallega við skoðanir, maður getur breytt þeim. Ég hér með bið alla sem við höfum sært með okkar framferði afsökunar um leið og ég fagna þessari umræðu sem skapast hefur. Ég persónulega tel að fólk, þar á meðal ég sjálfur, sé betur upplýst en fyrri daginn um þessi málefni. Það er aldrei of seint að sjá að sér og biðjast afsökunar. Eftir margar ábendingar er staðfest The Hefners munu ekki koma aftur fram með dökkan farða sem svipar til umræðunnar.

Ég vill minna ykkur á að halda umræðunni málefnalegri og persónuleg skítköst, hvort sem það er út í Króla, tónlistina hans, heilt bæjarfélag, hljómsveitina eða mig sjálfan er eitthvað sem á ekkert heima í þessari umræðu og jafnvel hvergi. Endilega deilið sem víðast svo flestir njóti góðs af,“ segir Birgir að lokum í færslunni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Gunnar Smári : „Það þarf ekki að skammta plássið á Netinu, það er nóg pláss fyrir alla.“

Gunnar Smári : „Það þarf ekki að skammta plássið á Netinu, það er nóg pláss fyrir alla.“
Fréttir
Í gær

Bátur strandaður á Jökulfjörðum

Bátur strandaður á Jökulfjörðum
Fréttir
Í gær

Erlendar bókunarþjónustur beita íslenska gististaði refsingum ef þeir fara ekki eftir reglum

Erlendar bókunarþjónustur beita íslenska gististaði refsingum ef þeir fara ekki eftir reglum
Fréttir
Í gær

Birgir hrökk í kút: Beinbrotinn ástvinur með alzheimer beið í 7 mánuði eftir vistun á hjúkrunarheimili

Birgir hrökk í kút: Beinbrotinn ástvinur með alzheimer beið í 7 mánuði eftir vistun á hjúkrunarheimili
Fréttir
Fyrir 2 dögum

Hnefaleikakappi safnar fyrir Fanneyju sem berst við alvarlegt krabbamein

Hnefaleikakappi safnar fyrir Fanneyju sem berst við alvarlegt krabbamein
Fréttir
Fyrir 2 dögum

Örpistill Kára vekur athygli: „Annaðhvort er maðurinn ljósárum á undan öllum í gáfum eða eitthvað er byrjað að gefa sig“

Örpistill Kára vekur athygli: „Annaðhvort er maðurinn ljósárum á undan öllum í gáfum eða eitthvað er byrjað að gefa sig“