fbpx
Mánudagur 15.júlí 2019  |

DV - Frjáls og óháður miðill

Fréttir

Það er eitthvað skrýtið á seyði í Kína – Bandarískir erindrekar veikjast skyndilega

Ritstjórn DV
Fimmtudaginn 7. júní 2018 19:00

Ekki missa af Helstu tíðindum dagsins í pósthólfið þitt

Lesa nánar

Það er eitthvað dularfullt á seyði hjá bandarískum erindrekum í Kína og hafa minnst tveir slíkir verið sendir heim eftir að hafa veikst skyndilega.

Málið þykir minna um margt á mál sendiráðsstarfsmanna Bandaríkjanna í Havana á Kúbu, en nokkrir þeirra urðu fyrir alvarlegum heyrnarskaða. Það var haustið 2016 að bera fór á óútskýrðu heyrnartapi hjá nokkrum starfsmönnum sendiráðsins og hjá sumum voru einkennin svo slæm að þeir þurftu að láta af störfum á Kúbu og fara aftur heim til Bandaríkjanna.

Eftir margra mánaða rannsóknir komust bandarískir vísindamenn að þeirri niðurstöðu að stjórnarerindrekarnir hefðu verið fórnarlömb háþróaðs búnaðar sem sendir frá sér hljóð sem mannseyrað greinir ekki. Voru uppi kenningar um að Rússar hefðu staðið fyrir þessum árásum, þó það hefði ekki verið sannað.

Svipað virðist nú vera uppi á teningnum í Kína en starfsmennirnir tveir sem sendir voru heim þjáðust af einhverskonar taugaskaða. Einn starfsmaður til viðbótar var sendur heim í apríl en við rannsókn kom í ljós að hann hafði orðið fyrir vægum heilaskaða.

Mark Lenzi, einn þeirra sem fluttur var heim frá Kína, segir við Washington Post að hann hafi heyrt einhverskonar hátíðnihljóð áður en veikindin gerðu vart við sig. Hann hafi átt erfitt með svefn og þjáðst af miklum höfuðverk.

Mke Pompeo, utanríkisráðherra Bandaríkjanna, segir að þessi mál verði rannsökuð í þaula. Rúmlega tuttugu Bandaríkjamenn í utanríkisþjónustu landsins á Kúbu greindu frá því að hafa þjáðst af dularfullum veikindum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 11 klukkutímum

Brýtur Bjarni siðareglur?

Brýtur Bjarni siðareglur?
Fréttir
Fyrir 12 klukkutímum

Pólverjar afturkalla framsalskröfu og alþjóðlega handtökuskipun í Euro-Market málinu

Pólverjar afturkalla framsalskröfu og alþjóðlega handtökuskipun í Euro-Market málinu
Fréttir
Í gær

Fjölskyldan sem týndist heil á húfi – Köld og skelkuð

Fjölskyldan sem týndist heil á húfi – Köld og skelkuð
Fréttir
Í gær

Yfirheyrslan: Karítas Harpa telur samskipti Tomma og Jenna byggð á misskilningi

Yfirheyrslan: Karítas Harpa telur samskipti Tomma og Jenna byggð á misskilningi
Fréttir
Fyrir 3 dögum

Furðulegasta atvinnutækifæri Íslands – Hamsturinn fastur í klósettinu og eigandinn ráðþrota

Furðulegasta atvinnutækifæri Íslands – Hamsturinn fastur í klósettinu og eigandinn ráðþrota
Fréttir
Fyrir 3 dögum

Lögregla kölluð út vegna konu sem var undarleg í háttum og ferðamanns sem hafði læst sig inni á almenningssalerni

Lögregla kölluð út vegna konu sem var undarleg í háttum og ferðamanns sem hafði læst sig inni á almenningssalerni