Mótmæli voru víðsvegar um Bandaríkin í dag vegna innflytjendastefnu bandarískra yfirvalda. Undanfarið hefur skapast gífurleg reiði í Bandaríkjunum vegna þeirrar stefnu stjórnvalda að slíta í sundur fjöldskyldur ólöglegra innflytjenda sem freista þess að komast inn til Bandaríkjanna. Um 2342 börn eru enn í haldi yfirvalda, þrátt fyrir að forseti Bandaríkjanna, Donald Trump, hafi brotnað undan þrýstingi almennings og breytt þessari stefnu. Alríkisdómari í Kaliforníu hefur fyrirskipað yfirvöldum að þessi börn eigi að vera sameinuð með foreldrum sínum eigi síður en 27 júlí næstkomandi. Mannréttindarsamtök hafa hinsvegar miklar áhyggjur af því að ekki verði mögulegt að gera það vegna þess hversu illa hefur verið staðið að upplýsingarsöfnun og vinnslu á öðrum gögnum.
Stjórnmálamenn ásamt mannréttindarsamtökum um allan heim hafa mótmælt þessari hörðu stefnu Bandaríkjamanna og þá sérstaklega ummælum Trumps um að snúa ætti fólki við beint á landamærunum, en það er brot á alþjóðasamningum sem Bandaríkjamenn eru aðilar að.