Mikið mæðir á íþróttafréttamönnum landsins á meðan Heimsmeistaramótið í knattspyrnu stendur yfir. Reyndar vorkenna fáir Íslendingar þessum ágætu einstaklingum vegna vinnuálagsins enda líklega í besta starfi landsins þessi dægrin. Einn af þeim sem stendur í eldlínunni er Haukur Harðarson, íþróttafréttamaður Ríkisútvarpsins. Færri vita að föðuramma Hauks er rithöfundurinn og fyrrverandi þingmaðurinn, Guðrún Helgadóttir, sem eflaust fylgist vel með barnabarninu í Rússlandi.