Myndbandsbloggarinn Nuseir Yassin eða Nas Daily, hefur verið á ferð og flugi um Ísland undanfarna daga og fjallað um land og þjóð. Í gær sendi hann frá sér áhugavert myndband þar sem hann lofar land og þjóð.
Í myndbandinu kallar Nas Ísland níundu plánetuna. Hann segir landið vera friðsælt og fallegt og nefnir sérstaklega heita vatnið og íslenska hestinn. Myndbandið hefur farið sem eldur í sinu um netheima en þegar þessi frétt er skrifuð hafa tæplega 3,5 milljónir manna séð myndbandið.
„Á meðan restin af heiminum tekst á við vandamál, lifir Ísland í frið, langt frá okkur öllum,“ segir Nas meðal annars í myndbandinu.
Nas er búinn að gera nokkur myndbönd um Ísland, þar á meðal um tómatarækt, verðlag og byssueign landsmanna. Hér að neðan má svo sjá síðasta myndband kappans þar sem hann fer fögrum orðum um landið.
https://www.facebook.com/nasdaily/videos/1063823970436421/