Um klukkan sex í morgun, að staðartíma, heyrðu íbúar í Hässelby, sem er í vesturhluta Stokkhólms, fjölda skothvella. Lögreglan sendi strax fjölda lögreglumanna á vettvang. Þar fundu þeir mann, sem hafði verið skotinn til bana, og ekki fjarri fannst brunninn bíll. Fjölmennt lögreglulið leitar nú að morðingjanum og er þyrla meðal annars notuð við leitina auk fjölda lögregluhunda.
Aftonbladet hefur eftir vitni að það hafi heyrt að mörgum skotum var hleypt af og hafi síðan séð mann liggjandi. Blaðið segist hafa heimildir fyrir að sjálfvirkt skotvopn hafi verið notað.
Lögreglan telur að brunni bíllinn hafi verið notaður af morðingjanum til að komast af vettvangi.