Andri Steinn Jakobsen fékk óhugnanleg skilaboð upp úr kl. 15 í dag þar sem maður sem kallar sig Sigurð segir að Andri sé „viðbjóður“ og „hljóti að líða illa í eigin líkama“. Líklegast er um gerviprófíl að ræða þar sem nú þegar er búið að eyða prófílnum. Í skilaboðunum sem DV hefur undir höndum sést hvernig viðkomandi einstaklingur, sem Andri samþykkti sem vin á Facebook, birtist skyndilega og fer ófögrum orðum um Andra og fjölskyldu hans, svarar Andri honum rólega. Hann tók skilaboðunum ekki nærri sér þegar hann ræddi við DV um málið.

„Ég held að ég viti hver þetta er, þetta er maður sem telur að ég hafi gert eitthvað á hlut sinn,“ segir Andri. Telur hann að þetta sé maður sem hringi í sig á nóttunni og saki sig um fíkniefnaviðskipti. „Ég hef lent í einelti áður, en ekki svona. Það hefur eitt sinn verið drullað yfir mig á Facebook, en þá var það undir nafni og manneskja sem ég þekkti.“

Andri birti skjáskotin inni í Fésbókarhópnum Það sem enginn viðurkennir þar sem hann hefur fengið mikinn stuðning netverja.

Skjáskotin má sjá hér fyrir neðan: