Óhætt er að segja að þrjátíu og sex ára kona, Kelli Rowlette, hafa fengið vægt áfall þegar hún ákvað að leita til vinsællar vefsíðu, Ancestry.com fyrir skemmstu.
Um er að ræða vef sem bíður viðskiptavinum meðal annars upp á DNA-próf. Geta þeir sem eru áhugasamir um uppruna sinn og fjarskylda ættingja leitað til vefsins og keypt þjónustu.
Kelli, sem er búsett í Washington-ríki í Bandaríkjunum, komst að því eftir að hún keypti sér þjónustuna að líffræðilegur faðir hennar var í raun læknir foreldra hennar, maður að nafni Dr. Gerald E. Mortimer.
Gerald þessi var sérfræðingur í frjósemi og höfðu foreldrar Kelli leitað til hans vegna þrautagöngu þeirra við að eignast barn. Kelli segir að Gerald þessi hafi notað eigin sæði þegar hann frjóvgaði egg móður hennar snemma á níunda áratug síðustu aldar.
Á sínum tíma samþykktu foreldrar Kelli að blanda saman sæði hans og sæði annarra viðurkenndra gjafa til að auka líkur á þungun. Þau skilyrði voru þó að sæðisgjafarnir þurftu að vera ungir og hærri en 180 sentímetrar.
Kelli hefur nú stefnt Gerald þar sem hún fer fram á ótilgreinda upphæð í bætur. Þá kemur fram að í stefnunni að hann hafi vitað að hann væri faðirinn en ekki látið neinn vita og með því valdið Kelli skaða.