fbpx
Föstudagur 22.mars 2019

DV - Frjáls og óháður miðill

Silfur Egils

Fallinn strompur

Orðið á götunni

Litaleikir Hannesar

Fréttir

Söngvabók Frelsisflokksins: „Stígíð á gasið þýskar þjóðir, Við getum náð sjö milljónum.“

Kristinn H. Guðnason
Sunnudaginn 25. febrúar 2018 17:00

Ekki missa af Helstu tíðindum dagsins í pósthólfið þitt

Lesa nánar

Frelsisflokkurinn í Austurríki, FPÖ, er enn á ný í vandræðum tengdum kynþáttahatri. Flokkurinn, sem er öfgahægrisinnaður pópúlistaflokkur, er í ríkisstjórn í bandalagi við íhaldsmenn. Að þessu sinni er það söngvabók sem kom þeim í klandur. Falter í Austurríki greinir frá þessu.

Haturssöngvar um gyðinga

Bruna Sudetia er bræðralag stúdenta í Vín sem er beintengt Frelsisflokknum. Formaður bræðralagsins heitir Herwig Götschober og er ráðgjafi Norbert Hofer sem komst nálægt því að verða forseti landsins árið 2016 þegar hann vann fyrstu umferðirnar. Hofer gegnir nú embætti samgönguráðherra. Götschober segist ekki hafa vitað af alræmdri söngvabók bræðralagsins og hafnar þeim boðskap sem þar kemur fram, sem felst aðallega í gyðingahatri.

Vísur þriðja ríkisins og nýrri nasistavísur
Bruna Sudetia Vísur þriðja ríkisins og nýrri nasistavísur

Dæmi um textana í bókinni

Á meðal þeirra kemur gyðingurinn Ben Gurion,
Stígíð á gasið þýskar þjóðir,
Við getum náð sjö milljónum.

Hér er átt við David Ben Gurion, fyrsta forseta Ísraelsríkis og helför gyðinga í seinni heimstyrjöldinni þar sem um sex milljónir fórust. Margir af þeim í gasklefum þriðja ríkisins.

Tveir gyðingar böðuðu sig í ánni,
Af því að allir menn þurfa að baða sig,
Annar drukknaði,
Við vonum að hinn drukkni líka.

Tveir gyðingar syntu upp Nílarfljót,
Krókódíll át annan þeirra,
Og starði á hinn,
Þar sem hann ældi næstum þeim fyrsta.

Hitlerjugend

Sumir af textunum í söngvabókinni eiga sér rætur í Þýskalandi Hitlers. Þeir eru úr smiðju Hans Baumann, sem var einn af helstu laga og barnabókahöfundum þriðja ríkisins og lög hans voru notuð hjá ungliðahreyfingum Nasistaflokksins, Hitlerjugend. Aðrir textar bókarinnar voru samdir eftir stríðið af nýnasistum.

Fyrir aðeins viku síðan þurfti Udo Landbauer, einn frambjóðandi Frelsisflokksins í suðurhluta landsins að segja af sér vegna söngvabókar úr hans stúdentabræðralagi. Eftir það réð flokkurinn sagnfræðinga til að rannsaka sögu flokksins sem nær aftur til ársins 1956. Sagnfræðingarnir munu þó ekki rannsaka sögu þessarra bræðralaga því á pappírunum eru þau sjálfstæðar stofnanir.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 18 klukkutímum

Hissa á að Zidane sé mættur aftur

Hissa á að Zidane sé mættur aftur
Fréttir
Fyrir 21 klukkutímum

Sífellt fleiri lík finnast á Mount Everest

Sífellt fleiri lík finnast á Mount Everest
Fréttir
Í gær

Steinþór bakari hjólar í Þórarin í IKEA: „Um leið og gagnrýninni sleppir taka við sögur af eigin afrekum“

Steinþór bakari hjólar í Þórarin í IKEA: „Um leið og gagnrýninni sleppir taka við sögur af eigin afrekum“
Fréttir
Í gær

Ríkið gæti þurft að greiða milljarða í bætur vegna Guðmundar- og Geirfinnsmálanna

Ríkið gæti þurft að greiða milljarða í bætur vegna Guðmundar- og Geirfinnsmálanna
Fréttir
Fyrir 2 dögum

Guðmundur segir að ungmenni sem nota rafrettur hafi flest reykt eða notað munntóbak

Guðmundur segir að ungmenni sem nota rafrettur hafi flest reykt eða notað munntóbak
Fréttir
Fyrir 2 dögum

Vigdís hneyksluð: „Má snerta mig svona?“

Vigdís hneyksluð: „Má snerta mig svona?“