Á ellefta tímanum í gærkvöldi var lögreglunni tilkynnt um innbrot í húsnæði í vesturbæ Reykjavíkur. Grunaður innbrotsþjófur var handtekinn skömmu síðar. Á þriðja tímanum í nótt var tilkynnt um innbrot í hús á Kársnesi í Kópavogi. Grunaður innbrotsþjófur var handtekinn skömmu síðar og var hann vistaður í fangageymslu.
Á sjötta tímanum í gær var ölvaður og óviðræðuhæfur maður handtekinn í hverfi 105 en hann er grunaður um þjófnað úr verslun. Maðurinn var vistaður í fangageymslu.
Einn ökumaður var handtekinn í nótt grunaður um ölvun við akstur.