Matvælastofnun hefur sent frá sér tilkynningu þess efnis að grunur sé um salmonellu í ferskum kjúklingi frá fyrirtækinu Matfugli. Hefur dreifing á vörunni verið stöðvum og hún innkölluð.

Kjúklingurinn var meðal annars seldur undir vörumerkjum Bónusar, Krónunnar og Ali. Verslanir sem seldu kjúklinginn voru meðal annars Bónus, Krónan, Fjarðarkaup og Iceland. Einnig var kjúklingurinn seldur á veitingastaði KFC og Saffran.

Rekjanleikanúmer kjúklingsins er 215-18-44-1-06 og biður matvælastofnun neytendur sem hafa keypt vöruna að alls ekki nota hana, heldur skila henni í þá verslun sem þeir keyptu vöruna og fá endurgreitt. Einnig er hægt að skila vörunni beint til Matfugls að Völuteigi 2 í Mosfellsbæ.