Sveinn Margeirsson, forstjóri Matís, hefur látið af störfum eftir átta ár hjá stofuninni. Þetta kom fram í tilkynningu sem birt var á heimasíðu Matís í dag. Oddur Már Gunnarsson er starfandi forstjóri frá og með deginum í dag.
Í samtali við mbl.is segir Sjöfn Sigurgísladóttir, formaður stjórnar Matís, að Sveini hafi verið sagt upp vegna trúnaðarbrests milli stjórnar og forstjóra. Ekki kemur fram í fréttinni hvers eðlis trúnaðarbresturinn var.
Í tilkynningunni á heimasíðu Matís segir: Stjórn Matís þakkar Sveini fyrir hans framlag til félagsins. Undir hans stjórn og með aðkomu öflugs starfsfólks, hugviti þeirra og þekkingu, hefur Matís vaxið.