Eins og fram kom í gær hækkaði Seðlabankinn stýrivexti um 0,25 prósentustig. Kristrún Mjöll Frostadóttir, aðalhagfræðingur Kviku banka, segir ekki ólíklegt að fleiri vaxtahækkanir muni fylgja í kjölfarið hjá Seðlabankanum en ef verðbólguvæntingar falli á næstu tveimur til þremur mánuðum geti það hægt á hækkunarferlinu.

„En mér finnst ansi líklegt að við séum komin í hækkunarfasann.“

Sagði hún í samtali við Fréttablaðið.

Fréttablaðið hefur eftir Ásdísi Kristjánsdóttur, forstöðumanni efnahagssviðs Samtaka atvinnulífsins, að hafi hafi komið verulega á óvart að Seðlabankinn hafi ekki birt greiningu á hvaða áhrif komandi kjarasamningar geti haft á verðbólgu og vaxtastig. Hún sagði ljóst að stærsta óvissa næstu missera sé hver lendingin verður í kjarasamningum.