Umferðarslys varð á Suðurstrandavegi, skammt vestan Herdísarvíkur, í morgun. Bíll fór út af veginum og valt. Ökumaður var einn í bílnum. Hann kastaðist út. Þyrla Landhelgisgæslunnar er að flytja hann á sjúkrahús í Reykjavík.
Tilkynnt var um slysið klukkan 07.45. viðbragðsaðilar frá Suðurnesjum og Suðurlandi eru að störfum á vettvangi. Reikna má með umferðartöfum á vettvangi vegna vinnu þeirra.