Erlendir ferðamenn lentu í hættu í Reynisfjöru fyrir skömmu er sjórinn hvolfdist yfir þá. Atvikið náðist á einstakt myndband sem hægt er að horfa á hér að neðan. Birtist það á Instagram-reikningi ljósmyndara að nafni Erica Mengouchian. Tiðar fréttir hafa verið undanfarin ár af hrakningum ferðamanna við Reynisfjöru þar sem sjórinn leynir á sér og getur verið mjög hættulegur. Aðvörunarskilti á staðnum virðist ekki þjóna tilgangi sínum nægilega vel og hvað eftir annað hefur verið vitnað um glæfraskap ferðamanna á svæðinu. Fyrir tæpum tveimur árum drukknaði þýsk kona á svæðinu er hún sogaðist út með briminu. Margir aðrir ferðamenn hafa verið hætt komnir en sloppið með skrekkinn.
