Bergþór Pálsson, þingmaður Miðflokksins, sem talaði einna mest af sér á alræmda fundinum á barnum Klaustur. Hann hefur hingað til ekki tjáð sig við fjölmiðla. RÚV náði þó viðtali við hann fyrr í dag.

Hann var nokkuð óskýr þegar hann spurður um hvort hann myndi segja af sér. „ Ég fer yfir þetta með hópnum á eftir, ég ítreka það. Það hefur ekki farið fram hjá neinum að það hefur gengið mikið á síðustu dagana,“ sagði Bergþór.

Líkt og DV greindi frá fyrr í dag mætti hvorki hann né Gunnar Bragi Sveinsson í hátíðarveislu á Bessastöðum í gær. Hann var spurður út í þetta í viðtalinu á RÚV. „Það má öllum ljóst vera að það hefur gengið mikið á í kringum okkur tvö og ég sá ekki ástæðu til þess að skemma gott partí með því að skapa mögulegt ósætti þar. Eins og við þekkjum þá hefði slíkt getað komið upp. Þetta var skemmtilegur atburður og virðuleg uppákoma og ég vona að allir hafi bara skemmt sér vel þar í gær,“ sagði Bergþór.