„Við látum gjarnan eins og stjórnmálamaður drauma okkar sé heiðarlegur pappakassi en sannleikurinn er sá að slíkt fólk fær sjaldnast náð fyrir augum kjósenda,“ segir Jón Gnarr, fyrrverandi borgarstjóri, um leyniupptökurnar sem DV hefur meðal annars fjallað ítarlega um.
Fjölmargir hafa tjáð sig um málið á Twitter og sitt sýnist hverjum. Jón segir að „heiðarlegir pappakassar“ hljóti sjaldnast náð fyrir augum kjósenda.
„…en sé fólk algjörir fávitar og helst virkir alkóhólistar líka þá getur það mjög auðveldlega orðið ráðherrar,“ bætir Jón við í færslu á Twitter-síðu sinni.
Hægt er að fylgjast með umræðum um málið á Twitter undir myllumerkinu klausturgate. Er það vísum í vínveitingahúsið Klaustur þar sem samræður þingmannanna voru teknar upp.
Eva Pandora Baldursdóttir, fyrrverandi þingkona Pírata, á ekki von á að neinn muni sæta ábyrgð vegna málsins. „Enginn þeirra mun segja af sér eða taka nokkurns konar raunverulega ábyrgð á því sem gert og sagt var. Heyrðuð það fyrst hér,“ segir hún.
við látum gjarnan eins og stjórnmálamaður drauma okkar sé heiðarlegur pappakassi en sannleikurinn er sá að slíkt fólk fær sjaldnast náð fyrir augum kjósenda. en sé fólk algjörir fávitar og helst virkir alkóhólistar líka þá getur það mjög auðveldlega orðið ráðherrar #klausturgate
— Jon Gnarr (@Jon_Gnarr) November 29, 2018
Enginn þeirra mun segja af sér eða taka nokkurns konar raunverulega ábyrgð á því sem gert og sagt var. Heyrðuð það fyrst hér #klausturgate
— Eva Pandora Baldursd (@evapandorab) November 29, 2018