Þrír ökumenn voru handteknir á höfuðborgarsvæðinu í gærkvöldi og nótt grunaðir um akstur undir áhrifum fíkniefna. Allir reyndust þeir hafa verið sviptir ökuréttindum og var þetta ekki í fyrsta sinn sem þeir voru stöðvaðir í akstri þrátt fyrir að vera án ökuréttinda. Einn þeirra ók ótryggðri bifreið og voru skráningarnúmerin klippt af henni.
Fjórði ökumaðurinn var handtekinn í nótt í Breiðholti grunaður um akstur undir áhrifum fíkniefna, brot á vopnalögum og vörslu fíkniefna. Auk þess notaði hann ekki öryggisbelti.
