Lítil aurskriða féll á Akureyri í gærkvöldi. Þetta kemur fram á Facebooksíðu lögreglunnar á Norðurlandi eystra. Fram kemur að skriðan hafi fallið á og yfir hitaveituveginn og hitaveitulögnina sem liggur til suðurs frá Miðhúsabraut, ofan við Gróðrarstöðina og Háteig. Vegurinn er nú lokaður og verður þar til birtir og búið er að ryðja hann og kanna hvort skemmdir hafi orðið.
Starfsmenn Norðurorku gerðu viðeigandi ráðstafanir á svæðinu í gærkvöldi. Lögreglan biður fólk að vera ekki á ferð á svæðinu að nauðsynjalausu.