Ekið var inn í verslunina Seljakjör í Breiðholti um kl. 23 í gærkvöldi. Ekki er vitað hvað viðkomandi gekk til en sá hinn sami stakk af. Líkt og greint var frá í morgun sagði Lögreglan á höfuðborgarsvæðinu að engan hafi sakað og að ökumaðurinn hafi látið sig hverfa. Þegar lögreglan hafði samband við eiganda bifreiðarinnar þá kom hann af fjöllum og hafði ekki áttað sig á því að bifreiðin hafði verið tekin ófrjálsri hendi.