Reykjavíkurborg greiddi reikninga fyrir tæplega 700 þúsund krónur fyrir „ýmislegt“. Þetta kemur fram í reikningum sem borgin greiddi í tengslum við braggaverkefnið á Nauthólsvegi 100. Samkvæmt kostnaðarmati sem verkfræðistofan Efla gerði árið 2015 átti verkefnið að kosta í mesta lagi 158 milljónir króna, í dag hefur Reykjavíkurborg greitt meira en 400 milljónir. DV hefur í vikunni birt reikninga úr braggabókhaldinu sem varpa ljósi á hvers vegna verkefnið varð rúmlega 250 milljónum krónum dýrara.
Sjá einnig: DV birtir allt braggabókhaldið
Í reikningum sem Borgarbókhald tók við í janúar 2017 og í apríl á þessu ári má sjá að borgin greiddi alls 697.740 krónur fyrir „ýmislegt“. Þar af er eitt „ýmislegt“ sem kostaði 435 þúsund krónur. Ódýrasti hluturinn sem merktur er „ýmislegt“ kostaði 350 krónur.
Hér má sjá reikningana sem um ræðir:
