„Ótrúlegt að sækja þetta til Danmerkur þegar tegundin er til víða hér á landi.“

Þetta segir Jón Guðmundsson í samtali við Fréttablaðið nú í kvöld.  Frétt DV um að strá sem voru gróðursett fyrir utan braggann í Nauthólsvík kostuðu Reykjavíkurborg 757 þúsund krónur vakti mikla athygli. Samkvæmt heimildum DV er um að ræða sérstök strá sem eru höfundaréttavarin. Voru þau flutt sérstaklega inn til landsins frá Danmörku og heita á íslensku dúnmelur. Dúnmelur er stórvaxið gras og nauðalíkt hinu náskylda melgresi sem er að finna um allt land. Þá var kostnaður við að gróðursetja þessar plöntur frá Danmörku um 400 þúsund.

Nú greinir Fréttablaðið frá því að nóg er til af þessari plöntu við Hvaleyrarvatn. „Þessi planta er búin að vera til á landinu í 60 til 70 ár,“ segir Jón en nánar má lesa um málið í Fréttablaðinu.