Vísir.is skýrir frá þessu. Þar er haft eftir Boga að þetta eigi ekki við um þá sem hafa unnið hjá Icelandair í 30 ár eða lengur eða eru orðnir 55 ára. Öðrum verði boðið að fara í fullt starf. Haft er eftir honum að launakostnaður sé hár hér á landi í samanburði við samkeppnisaðila Icelandair á alþjóðlegum markaði og það verði að bregðast við því. Þessi aðgerð sé liður í að lækka þennan kostnað.
Haft er eftir Berglindi Hafsteinsdóttur, formanni Flugfreyjufélags Íslands, að þetta sé mikið áfall fyrir marga og verið sé að setja fólki afarkosti.