fbpx
Fimmtudagur 18.júlí 2019  |

DV - Frjáls og óháður miðill

Fréttir

Jóhanna er langþreytt á ferðamönnum með flygildi og kex: „Það eina sem ferðamaðurinn sér er fallegt myndefni“

Ari Brynjólfsson
Þriðjudaginn 11. september 2018 11:50

Samsett mynd: DV/Pixabay

Ekki missa af Helstu tíðindum dagsins í pósthólfið þitt

Lesa nánar

Ferðamenn eiga það til að stöðva bifreiðar sínar við sveitabæi og fljúga flygildum yfir hesta og jafnvel mata þá með kexi. Jóhanna María Sigmundsdóttir, bóndi á Vesturlandi og fyrrverandi þingmaður, segir í samtali við DV að hún sé langþreytt á ástandinu. Hún hafi fyrir helgi vísað í burtu erlendum ferðamanni sem hafi flogið flygildi, eða dróna, í hrossin.

Hún segir ferðamenn ekki gera sér grein fyrir því hvað þeir eru að gera með athæfinu. „Það eina sem ferðamaðurinn sér er fallegt myndefni, það sem ég fæ eru skelkuð hross, uppgefin folöld og slitnar girðingar.“

Hversu oft gerist þetta?

„Þetta er alltaf nokkrum sinnum yfir sumartímann, síðan höfum við líka lent í því að vera ekki heima og fengið að frétta frá nágrönnum okkar hvað var í gangi.“

Þyrfti endalaust af skiltum

Það hefur komið til umræðu að hengja upp skilti. „Þá þyrfti maður að hengja upp svo mörg skilti. Maður þyrfti að vera með: Ekki gefa hrossunum. Ekki fara inn í hólfin. Ekki vera með dróna. Ekki vera að fikta í girðingunni. Það þyrfti endalaust af skiltum. Það er alltaf spurningin hvort maður eigi að gera það eða taka rúntinn og spjalla við fólkið.“

Þegar Jóhanna er heima og verður vitni af þessu athæfi þá fer hún iðulega og útskýrir fyrir ferðamönnunum að það sé ekki í lagi að mata hrossin eða fljúga yfir þau með flyildum. „Ég reyni alltaf bara að útskýra fyrir þeim í rólegheitunum, því það er ekkert sem bannar þeim þetta með lögum, hvað þau eru að gera með þessu. Hvort sem það er að fljúga dróna eða mata þau úr kexpakkanum sínum.“

Hafa ferðamennirnir skilning á þessu?

„Um leið og maður fer að útskýra þetta þá er eins og fólk taki við sér. En svo hefur maður séð fólk sem forðar sér um leið og það sér bíl koma. Sumir eru rosalega kræfir og leggja í heimkeyrsluna hjá okkur og labba yfir að hestahólfunum.“

Þegar færi gefst tekur hún niður bílnúmerin og lætur viðkomandi bílaleigu vita.

Hver eru viðbrögðin sem þú færð frá bílaleigunum?

„Ég fæ oftast svona svar að þeir muni koma þessu að við sína viðskiptavini, en ég veit síðan ekkert hvort því er fylgt eftir eða hvað.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Hatursglæpur við Bónus: Þórunn segir íslenska konu hafa hrækt á múslíma

Hatursglæpur við Bónus: Þórunn segir íslenska konu hafa hrækt á múslíma
Fréttir
Fyrir 2 dögum

Barnið er íslenskt: Hrollvekjandi mynd Bleyju-Böðvars – „Þetta er minn gaur“

Barnið er íslenskt: Hrollvekjandi mynd Bleyju-Böðvars – „Þetta er minn gaur“
Fréttir
Fyrir 2 dögum

Áhrifamaður í Sjálfstæðisflokknum segir Davíð fíkil og efast um að hann sé heill á geði

Áhrifamaður í Sjálfstæðisflokknum segir Davíð fíkil og efast um að hann sé heill á geði
Fréttir
Fyrir 2 dögum

Bjarni segist sitja ólaunaður í bankaráði AIIB: „Það vantar bara að menn segist hafa um það rökstuddan grun“

Bjarni segist sitja ólaunaður í bankaráði AIIB: „Það vantar bara að menn segist hafa um það rökstuddan grun“
Fréttir
Fyrir 3 dögum

„Ég get ekki ímyndað mér þann ótta að geta hugsanlega rambað á morðingja barns míns á förnum vegi“

„Ég get ekki ímyndað mér þann ótta að geta hugsanlega rambað á morðingja barns míns á förnum vegi“
Fréttir
Fyrir 4 dögum

Vafasöm vegferð Eflingar í nafni réttlætis – Krafa sem ekki virðist vera fyrir hendi

Vafasöm vegferð Eflingar í nafni réttlætis – Krafa sem ekki virðist vera fyrir hendi