Fornleifafræðingar duttu heldur betur í lukkupottinn þegar vinna við niðurrif gamals kvikmyndahúss í ítölsku borginni Como hófust fyrir skemmstu.

Undir húsinu fundust nefnilega ævafornir gullpeningar sem metnir eru á hundruð milljóna, jafnvel einhverja milljarða, króna. Það var á miðvikudag í liðinni viku að peningarnir fundust en fornleifafræðingar telja að peningarnir séu frá sjöttu öld.

Fornleifafræðingar vinna nú að því að aldursgreina peningana og verður þeim komið fyrir á safni að þeirri vinnu lokinni. Endanlegt virði peninganna liggur ekki fyrir en Luca Rinaldi, fornleifafræðingur sem hefur skoðað peningana, segir ljóst að það hlaupi á milljónum evra.

Húsið sem um ræðir var reist árið 1870 og var það notað sem kvikmyndahús allt til ársins 1997. Til stóð að byggja lúxusíbúðir á svæðinu en hlé hefur verið gert á framkvæmdum uns búið verður að skoða það nánar.