Ég lofa mjög þann óeigingjarna hóp fólks sem starfar við að tryggja okkur hinum öryggi. Þar á ég sérstaklega við löggæslustéttir, starfsfólk lögreglu og tollgæslu. Ég lofa einnig íslenska heilbrigðisstarfsmenn sem vinna að bættu lífi okkar við erfiðar aðstæður.
Ég lasta þá sem stýra löggæslumálum á Íslandi fyrir sinnuleysi þeirra gagnvart málaflokknum sem kemur fram í undirmönnun og ónógum tækjabúnaði. Hvort tveggja skerðir öryggi borgaranna.
Ég lasta þá sem ætla nú að eyða 100 milljörðum af almannafé til að hola niður nýju þjóðarsjúkrahúsi á ómögulegum stað sem mun gera dvöl sjúklinga á sjúkrahúsinu óbærilega næstu árin, gera starfsfólki erfiðara um vik að sinna starfi sínu og auka á kvíða aðstandenda í stað þess að reisa nýtt sjúkrahús á betri stað.