Lögreglan í Manchester hefur staðfest að 22 hafi látist og 60 særst eftir sprenginguna við Manchester Arena í gærkvöldi. Tónleikum Ariana Grande var þá nýlokið þegar sprengingin átti sér stað. Ljóst er að mörg fórnarlambanna eru ungmenni. Á Pressunni er greint frá því að 23 ára karlmaður hafi verið handtekinn í tengslum við hryðjuverkið í Manchester í gærkvöldi en árásarmaðurinn lést.
Á meðan stuðningsmenn ISIS fagna árásinni og dauðsföllum ungmenna greinir Guardian frá því að eitt fórnarlambanna er Saffie Rose Roussos. Hún var á tónleikunum með móður sinni og systur en þær særðust báðar í árásinni. Saffie Rose sem var aðeins 8 ára er látinn.