Verkefni lögreglunnar á höfuðborgarsvæðinu í gærkvöldi og í nótt
Lögreglan á höfuðborgarsvæðinu hafði afskipti af tveimur ölvuðum mönnum með stuttu millibili sem voru til vandræða um kvöldmatarleytið í gær.
Í dagbók lögreglu segir að tilkynnt hafi verið um ölvaðan mann sem var til vandræða við Sölvhólsgötu rétt fyrir klukkan 18 í gærkvöldi. Hann var handtekinn og vistaður í fangageymslu, en maðurinn er einnig grunaður um þjófnað.
Um hálftíma síðar var tilkynnt um ölvaðan mann við Eiríksgötu. Hann var handtekinn og vistaður í fangageymslu vegna ölvunarástands síns.
Um hálf átta leytið í gærkvöldi var tilkynnt um umferðaróhapp á bifreiðastæði við Laugardalshöll. Þar hafði bifreið verið ekið á vegg. Lögregla og sjúkralið voru kölluð á vettvang en meiðsl ökumannsins, sem var eldri maður, reyndust minniháttar. Bifreiðin var töluvert skemmt og var flutt af vettvangi með dráttarbifreið. gregl
Lögreglan hafði afskipti af fjölmörgum ökumönnum í gærkvöldi og í nótt sem grunaðir eru um akstur undir áhrifum fíkniefna eða ölvunar. Alls voru átta slíkir ökumenn teknir úr umferð víða um borgina.