fbpx
Laugardagur 20.júlí 2019  |

DV - Frjáls og óháður miðill

Fréttir

Hættulegt afstöðuleysi

Kolbrún Bergþórsdóttir
Þriðjudaginn 9. maí 2017 09:22

Ekki missa af Helstu tíðindum dagsins í pósthólfið þitt

Lesa nánar

Það er ekki algengt í kosningum að valkostir séu jafn skýrir og þeir voru í frönsku forsetakosningunum. Þar stóð valið milli tveggja gjörólíkra frambjóðenda og himinn og haf voru á milli stefnumála þeirra. Skiljanlega beindust augu umheimsins að þessum kosningum því mikið var í húfi. Frjálslynt fólk um allan heim andvarpaði léttar þegar ljóst var að miðjumaðurinn Emmanuelle Macron hefði unnið stórsigur á andstæðingi sínum, þjóðernissinnanum Marine Le Pen. Mannúðin sigraði en það breytir hins vegar ekki því að það er verulegt áhyggjuefni að þriðjungur kjósenda hafi viljað sjá Le Pen á forsetastóli.

Það er umhugsunarefni fyrir alla þá sem láta sig stjórnmál einhverju varða hversu lítil kjörsókn var í þessum mikilvægu kosningum. Vissulega er það svo að víða um heim ríkir tortryggni í garð hefðbundinna stjórnmálaflokka og traust á stjórnmálamönnum er lítið. Algengt er að litið sé á þá sem varðhunda kerfisins og eiginhagsmunaseggi sem láti sig kjör venjulegs fólks litlu varða. Það verður hins vegar ekki sagt að Macron og Le Pen séu sama tóbakið. Sá fyrrnefndi er fulltrúi hófsemi og umburðarlyndis meðan sá seinni er fulltrúi öfga og fordóma. Þegar valkostirnir eru jafn skýrir og í frönsku forsetakosningunum (og ekki má gleyma þeim bandarísku þar sem úrslitin voru hörmuleg) þá hafa kjósendur ekki efni á að sitja heima. Stundum er afar mikilvægt að gera sér grein fyrir því hvað maður vill alls ekki og bregðast við samkvæmt því. Það var siðferðileg skylda allra franska kjósenda sem vilja standa vörð um mikilvæg húmanísk gildi að kjósa Macron og kjósa þannig gegn fasískri hugmyndafræði Le Pen.

Þeir kjósendur sem sátu heima eða skiluðu auðu í frönsku forsetakosningunum voru í reynd að segja að þeim væri svosem sama þótt hin öfgasinnaða Le Pen yrði forseti. Myndin af Donald Trump og Le Pen hjala saman um gæluverkefni sín og gera sameiginlegar áætlanir í Hvíta húsinu og Elysée-höllinni hafa greinilega ekki verið hrollvekjandi í hugum þessara kjósenda – sem er vissulega einkennilegt. Þetta eru ekki beinlínis einstaklingar sem hafa frelsi, jafnrétti og bræðralag í hávegum.

Stundum er vissulega freistandi fyrir kjósanda að yppta öxlum þegar kemur að kjördegi og tauta að engu skipti hvað hann kjósi, ekkert muni breytast. En það getur ansi mikið breyst á stuttum tíma komist fulltrúi mannfjandsamlegra viðhorfa í æðstu valdastöðu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

True stelur senunni
Fréttir
Í gær

Hallgrímur vill veita öllum hælisleitendum dvalarleyfi strax í dag – „Er til nokkuð betra svar við fasismanum sem nú rís?“

Hallgrímur vill veita öllum hælisleitendum dvalarleyfi strax í dag – „Er til nokkuð betra svar við fasismanum sem nú rís?“
Fréttir
Í gær

Heiða taldi sig hafa nappað barnaníðing við Drekavog – Ekki var allt sem sýndist

Heiða taldi sig hafa nappað barnaníðing við Drekavog – Ekki var allt sem sýndist
Fréttir
Í gær

Úr boltanum í Biskupsstofu

Úr boltanum í Biskupsstofu
Fréttir
Fyrir 2 dögum

Hringbraut stendur við frétt sína um gjafamiða á Secret Solstice og birtir upptöku – Hvers vegna þurfti borgarstjóri þrjá miða?

Hringbraut stendur við frétt sína um gjafamiða á Secret Solstice og birtir upptöku – Hvers vegna þurfti borgarstjóri þrjá miða?
Fréttir
Fyrir 2 dögum

Mótmælendur sögðu Stöð 2 hafa pantað mótmælin: „Báðu okkur um að trufla aftur svo þau geti tekið það upp“ – Misskilningur segir fréttastjóri

Mótmælendur sögðu Stöð 2 hafa pantað mótmælin: „Báðu okkur um að trufla aftur svo þau geti tekið það upp“ – Misskilningur segir fréttastjóri
Fréttir
Fyrir 2 dögum

Árni Sigfússon minnist bróður síns: „Reiðarslag því ekkert benti til svo skjótra endaloka“

Árni Sigfússon minnist bróður síns: „Reiðarslag því ekkert benti til svo skjótra endaloka“
Fréttir
Fyrir 3 dögum

Vilja láta stórskulduga sitja sektir af sér – Sáralítið innheimtist af hæstu sektunum

Vilja láta stórskulduga sitja sektir af sér – Sáralítið innheimtist af hæstu sektunum
Fréttir
Fyrir 4 dögum

Æpandi þögn lögreglu í Bauhaus-málinu

Æpandi þögn lögreglu í Bauhaus-málinu