fbpx
Þriðjudagur 29.september 2020
Fréttir

Kaffitár borgað sex milljónir í lögfræðinga

– Býst við að Isavia afhendi forvalsgögnin – Tekjur bakarísins hrundu

Ritstjórn DV
Þriðjudaginn 21. júní 2016 09:00

Ekki missa af Helstu tíðindum dagsins í pósthólfið þitt

Lesa nánar

„Lögfræðikostnaðurinn nemur nú um 5,6 milljónum króna en ég gæti ekki sagt þér hvað það hafa farið margir klukkutímar í þetta mál,“ segir Aðalheiður Héðinsdóttir, forstjóri Kaffitárs, aðspurð hvað fyrirtæki hennar hafi greitt í lögfræðikostnað vegna kröfu þess um að Isavia afhendi gögn sem varða forval um útleigu á verslunarhúsnæði í Leifsstöð.

„Áður en umsókn okkar um pláss í flugstöðinni var hafnað vorum við svo bjartsýn að við stofnuðum bakarí, Kruðerí, en tekjur þess drógust náttúrulega saman um 50% þegar við fórum úr Leifsstöð. Þótt bakaríið hafi ekki eingöngu verið stofnað með Leifsstöð í huga getur þú rétt ímyndað þér hversu erfitt það er þegar tekjugrundvöllurinn dettur svo mikið niður á fyrsta starfsári,“ segir Aðalheiður.

Krefst aðfarar

Héraðsdómur Reykjavíkur staðfesti fyrir viku úrskurð úrskurðarnefndar um upplýsingamál þess efnis að Isavia skuli afhenda Kaffitári gögn úr forvali sem ríkisfyrirtækið réðst í árið 2014. Var þá haldin samkeppni um verslunarrými í Leifsstöð og öðrum rekstraraðilum en Kaffitári á endanum boðið að opna. Aðalheiður hefur síðan þá krafist frekari rökstuðnings Isavia og aðgangs að gögnum sem umsækjendur sendu inn í forvalinu. Alls hafa sjö úrskurðir eða dómar fallið í málinu, bæði í héraðsdómi og hjá úrskurðarnefnd um upplýsingamál, og alltaf hefur kröfum eða málatilbúnaði Isavia verið hafnað. Ragnar H. Hall, lögmaður Kaffitárs, sagði í samtali við Morgunblaðið á fimmtudag að fyrirtækið hefði óskað eftir því við sýslumanninn á höfuðborgarsvæðinu að aðför verði gerð að gögnunum.

„Það eru nú að verða komin tvö ár síðan okkur var neitað um pláss. Auðvitað er maður sár þegar maður tapar og það getur vel verið að við höfum ekki unnið eða haft það sem til þurfti. En Isavia vill ekki segja okkur hvað við þurftum að gera til að bæta okkur. Þetta var ekki gegnsætt ferli, þrátt fyrir að Isavia heyri undir upplýsingalög, og það er mergur málsins. Núna er búið að senda bréf til sýslumannsins um aðfararbeiðnina og bíðum við nú eftir því að hann fari með lögregluvaldi og sæki gögnin. Ég trúi ekki öðru en að Isavia hlíti dómnum,“ segir Aðalheiður.

Skoðuðu Rósaselstorg

Isavia hefur alla tíð hafnað kröfu Aðalheiðar og nú lýst því yfir að úrskurði héraðsdóms verði skotið til Hæstaréttar. Stór hluti tekna Kaffitárs kom frá veitingasölu í Leifsstöð og svarar forstjórinn aðspurður að það sé ólíklegt að fyrirtækið sæki aftur um pláss í flugstöðinni.

„Málið er að Isavia þurfti ekki að fara þessa forvalsleið því fyrirtækið getur handvalið þá sem það vill þarna inn. En ef sömu stjórnendur verða þarna við völd þá eigum við ekkert inni hjá þeim. Það er sama hvar þú ert, þú ert alltaf í samstarfi, og ég get ekki ímyndað mér að þeir vilji hafa mig í samstarfi. Þeir hafa þráast við í tæp tvö ár að láta mig hafa upplýsingar sem þeir eiga lögum samkvæmt að láta mig fá.“

Kaupfélag Suðurnesja vill eins og komið hefur fram byggja verslunarkjarnann Rósaselstorg skammt frá flugstöðinni. Áformin voru kynnt í byrjun þessa árs en kaupfélagið leitar enn samstarfsaðila sem gætu séð um rekstur veitinga- og kaffihúss.

„Við höfum aðeins skoðað þessar teikningar en ekki neitt alvarlega. Við erum með kaffibrennslu við Reykjanesbrautina og höfum aðeins velt fyrir okkur hvort við getum nýtt þá lóð betur. Svo erum við að opna annað Kruðerí á næstu vikum en rekstur bakarísins gengur vel þrátt fyrir þetta áfall á fyrsta rekstrarári þess.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

DV kærir neitun hjúkrunarheimilisins Skjóls um aðgang að gögnum

DV kærir neitun hjúkrunarheimilisins Skjóls um aðgang að gögnum
Fréttir
Í gær

Ólga hjá íslenskum mæðrum vegna umræðu um sund og transfólk – „Hvað ef einn þeirra heldur á símanum sínum?“

Ólga hjá íslenskum mæðrum vegna umræðu um sund og transfólk – „Hvað ef einn þeirra heldur á símanum sínum?“
Fréttir
Fyrir 2 dögum

Málverki til minningar um dóttur Óskars stolið af sambýli

Málverki til minningar um dóttur Óskars stolið af sambýli
Fréttir
Fyrir 2 dögum

Safna undirskriftum við kröfu um að barnið þurfi ekki að fara til föður síns

Safna undirskriftum við kröfu um að barnið þurfi ekki að fara til föður síns
Fréttir
Fyrir 3 dögum

Facebook-drama í Héraðsdómi – Afinn hraunaði yfir móðurina – „Hún er hættuleg fyrir börnin sín“

Facebook-drama í Héraðsdómi – Afinn hraunaði yfir móðurina – „Hún er hættuleg fyrir börnin sín“
Fréttir
Fyrir 3 dögum

Íslensk móðir með þungar ásakanir – Segist hafa verið svipt forsjá fyrir að vernda dóttur sína fyrir barnaníðingi

Íslensk móðir með þungar ásakanir – Segist hafa verið svipt forsjá fyrir að vernda dóttur sína fyrir barnaníðingi