Laugardagur 27.febrúar 2021
Fréttir

Virði Landssímareitsins eykst um sex milljarða

– Verðmæti fasteigna á reitnum verður 10,5 milljarðar – Fjármagna lúxushótel

Ritstjórn DV
Sunnudaginn 20. mars 2016 08:00

Ekki missa af Helstu tíðindum dagsins í pósthólfið þitt

Lesa nánar

Verðmæti fasteignanna á Landssímareitnum við Austurvöll verður 10,5 milljarðar króna þegar framkvæmdum við nýtt lúxushótel Icelandair þar lýkur árið 2018. Byggingarnar, þar á meðal gamla Landssímahúsið, eru nú metnar á alls 4,5 milljarða króna en ekki liggur fyrir mat á heildarkostnaði verkefnisins.

Fullfjármagnað

Húsin og lóðirnar á reitnum eru í eigu einkahlutafélagsins Lindarvatn. Icelandair Group keypti helming í félaginu í ágúst í fyrra af Dalsnesi ehf. sem er alfarið í eigu Ólafs Björnssonar, eiganda matvöruheildverslunarinnar Inness. Dalsnes, sem keypti Landssímareitinn af hæstaréttarlögmanninum Pétri Þór Sigurðssyni í desember 2014, á í dag 50% í Lindarvatni á móti helmingshlut Icelandair. Pétur stóð í viðræðum um uppbyggingu á reitnum, sem afmarkast af Vallarstræti, Thorvaldsensstræti, Kirkjustræti og Aðalstræti, í níu ár eða frá hausti 2005.

Hér má sjá teikningu af nýju húsunum við Austurvöll sem eiga að rísa skáhallt á móti Alþingishúsinu. Verkefnið er ekki fullhannað.
Hótelið Hér má sjá teikningu af nýju húsunum við Austurvöll sem eiga að rísa skáhallt á móti Alþingishúsinu. Verkefnið er ekki fullhannað.

Lindarvatn stóð í byrjun mars fyrir 3,1 milljarðs króna skuldabréfaútgáfu til að fjármagna framkvæmdir félagsins á reitnum. Samkvæmt verðmati sem Íslensk verðbréf unnu vegna útgáfunnar er reiturinn metinn á 4,5 milljarða króna. Hann verði að loknum framkvæmdum, og út frá áætlunum um væntar leigutekjur, metinn á alls 10,5 milljarða. Davíð Þorláksson, framkvæmdastjóri Lindarvatns og lögfræðingur Icelandair Group, segir að skuldabréfaútgáfunni sé lokið og að hún sé fullfjármögnuð.

„Verkefninu miðar nokkuð vel. Þetta eru auðvitað stór hús þarna og þetta eru bestu lóðirnar á landinu að okkar mati og því teljum við þetta vera mjög verðmætan reit,“ segir Davíð og bendir á að á reitnum séu einnig byggingar sem snúa að Ingólfstorgi. Þar sé gert ráð fyrir verslunum, veitingahúsum og íbúðum.

„Við munum nýta sem mest núverandi hús en deiliskipulagið gerir ráð fyrir nýju húsi sunnan við Landssímahúsið, upp að Kirkjustræti, þar sem við erum að grafa núna. Við höldum gamla Landssímahúsinu og Nasa, það verður endurnýjað, og timburhúsunum við Ingólfstorg en byggjum þar á milli. Við munum leggja til að Nasa verði gert upp í upprunalegri mynd í anda gamla Sjálfstæðissalarins.“

Davíð Þorláksson, framkvæmdastjóri Lindarvatns og lögmaður Icelandair Group, segir að lúxushótelið á Landssímareitnum verði opnað 2018.
Opnar 2018 Davíð Þorláksson, framkvæmdastjóri Lindarvatns og lögmaður Icelandair Group, segir að lúxushótelið á Landssímareitnum verði opnað 2018.

Kaupverðið trúnaðarmál

Icelandair Hotels, dótturfélag Icelandair Group, og Lindarvatn skrifuðu í ágúst í fyrra undir leigusamning til 25 ára um rekstur hótelsins sem verður 160 herbergja. Í þeim sama mánuði gekk Icelandair frá kaupum á 50% eignarhlutnum í Lindarvatni. Eignirnar verða samtals um fimmtán þúsund fermetrar að stærð en gert er ráð fyrir að hótelið verði þar af um ellefu þúsund fermetrar. Kaupverðið var ekki gefið upp og segir Davíð það trúnaðarmál.

Pétur Þór Sigurðsson seldi Landssímareitinn í sama mánuði og Sigmundur Davíð Gunnlaugsson forsætisráðherra friðlýsti Nasa-salinn. Uppbygging á reitnum hafði þá tafist og salan til Lindarvatns átt sér langan aðdraganda. Elín Jónsdóttir, framkvæmdastjóri Dalsness, staðfesti í samtali við DV að kaupin hefðu gengið í gegn í desember 2014. Sagði hún kaupverðið trúnaðarmál og vildi að öðru leyti ekki tjá sig um eigendaskiptin. Ekki náðist í Pétur Þór við vinnslu fréttarinnar.

Grafir og bein

Áform Lindarvatns taka mið af núgildandi deiliskipulagi sem var samþykkt 2013. Gert er ráð fyrir þakbar á efstu hæð hótelsins, veitingastað á jarðhæð gamla Landssímahússins og heilsulind í kjallara þess. Endanleg hönnun reitsins mun taka mið af niðurstöðum fornleifauppgraftar sem nú stendur yfir á bílastæðinu við húsið í Kirkjustræti.

„Við byggðum bráðabirgðahús yfir uppgröftinn til að reyna að standa sem allra best að þessu til að verja svæðið fyrir veðri. Það eru að koma upp þarna beinagrindur og grafir því það var kirkjugarður þarna á svæðinu á árum áður,“ segir Davíð Þorláksson.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Stór jarðskjálfti fannst á höfuðborgarsvæðinu

Stór jarðskjálfti fannst á höfuðborgarsvæðinu
Fréttir
Í gær

Mál Bláfugls vekur mikinn ugg – Staðan sögð grafalvarleg

Mál Bláfugls vekur mikinn ugg – Staðan sögð grafalvarleg
Fréttir
Í gær

Rauðgerðismálið: Gæsluvarðhald framlengt

Rauðgerðismálið: Gæsluvarðhald framlengt
Fréttir
Í gær

Rauði krossinn vill reka spilakassa áfram – Á rúmlega 4 milljarða í handbæru fé

Rauði krossinn vill reka spilakassa áfram – Á rúmlega 4 milljarða í handbæru fé
Fréttir
Fyrir 2 dögum

Sprengjuhótanir hjá þremur öðrum stofnunum

Sprengjuhótanir hjá þremur öðrum stofnunum
Fréttir
Fyrir 2 dögum

Nemendur í Austurbæjarskóla hjóla í Katrínu – „Af hverju getum við þá ekki hjálpað þeim?“

Nemendur í Austurbæjarskóla hjóla í Katrínu – „Af hverju getum við þá ekki hjálpað þeim?“