fbpx
Laugardagur 23.október 2021
Fréttir

„Við erum löngu komin fram úr því að þurfa að draga fólk fyrir dómstóla fyrir að segja nautheimskulega hluti“

Helgi Hrafn er mótfallinn ákærum á hendur fólki fyrir hatursorðræðu

Ritstjórn DV
Fimmtudaginn 1. desember 2016 13:55

Ekki missa af Helstu tíðindum dagsins í pósthólfið þitt

Lesa nánar

„Samfélagið ræður alveg við svona heimskuleg sjónarmið,“ segir Píratinn Helgi Hrafn Gunnarsson á Facebook. Hann lýsir þar þeirri skoðun sinni að hann sé mótfallinn þeim ákærum sem gefnar hafa verið út á hendur nokkrum einstaklingum vegna meintrar hatursorðræðu í garð samkynhneigðra.

Hann segist vonast til þess að dómstólar hendi málinu „öfugu út úr réttarsal“. Hann segir að það væri stórslys fyrir tjáningarfrelsið ef dómstólar myndu dæma sækjendum í hag.

Hann segir, til að fyrirbyggja misskilning, að í orðum hans felist engar undirtektir við þau sjónarmið sem birtast í „þessum nautheimskulegu samtölum.“. Þetta sé með því allra heimskulegasta sem hann hafi lesið. Ákærurnar séu þó beinlínis hættulegar. „Þær sannfæra engan, þær draga ekki úr hatrinu heldur þvert á móti blæs þeim byr undir báða vængi.“

Pétur Gunnlaugsson sætir ákæru fyrir meinta hatursorðræðu.
Umdeildur Pétur Gunnlaugsson sætir ákæru fyrir meinta hatursorðræðu.

Greint hefur verið frá því að Pétur Gunnlaugsson, útvarpsstjóri á Sögu og bloggarinn Jón Valur Jensson séu á meðal hinna ákærðu en þeim er gefið að sök að viðhafa hatursorðræðu í garð meðlima Samtakanna ’78, vegna kynhneigðar þeirra.

Hann segist átta sig á að orðin sem fólkið hafi látið frá sér séu mjög særandi. En það verði að vera löglegt. Hann segir að samfélagið geti ekki leyft sér að hafa lög sem ákæra fyrir svona lagað. „Ég er alveg jafn móðgaður og hver annar yfir þessum fáránlegu samskiptum, en þau eru samt bara það; rosalega særandi og móðgandi. Það þýðir ekki að það dragi úr hatrinu eða heimskunni að fara með málið í dómstóla.“

Hann minnir á að þjóðin hafi hafnað Íslensku þjóðfylkinguni í nýliðnum kosningum. Flokkurinn hafi beðið algert afhroð. „Þessi sjónarmið eru á undanhaldi í heildina litið, þótt af og til valdi svona þöggunartilburðir því að glæðurnar fá aðeins of mikið súrefni.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Mikill hagnaður Icelandair á þriðja ársfjórðungi

Mikill hagnaður Icelandair á þriðja ársfjórðungi
Fréttir
Fyrir 2 dögum

Kona í stappi við tryggingafélag eftir að hún varð fyrir bíl sem ók yfir á rauðu ljósi

Kona í stappi við tryggingafélag eftir að hún varð fyrir bíl sem ók yfir á rauðu ljósi
Fréttir
Fyrir 2 dögum

Héraðsdómaranum Inga boðið að borga 250 þúsund króna sekt fyrir að brjóta kosningalög

Héraðsdómaranum Inga boðið að borga 250 þúsund króna sekt fyrir að brjóta kosningalög
Fréttir
Fyrir 2 dögum

Hilmar segir Nocco ekki vera íþróttadrykk – „Hættið að vera lélegar manneskjur með því að sannfæra börn um að óhófleg koffínneysla sé í lagi“

Hilmar segir Nocco ekki vera íþróttadrykk – „Hættið að vera lélegar manneskjur með því að sannfæra börn um að óhófleg koffínneysla sé í lagi“