Í hafnarbænum Torquay á Englandi er að finna Gríska-rétttrúnaðarkirkju heilags Andrésar, sem á upprunna sinn að rekja til sjöttu aldar. Kirkjugarðurinn hefur undanfarið verið til mikilla trafala, en einhverjir virðast vera að stunda kynlíf í garðinum, stundum um miðjan dag. Frá þessu greinir Devon Live.
Félaga kirkjugarða-vina var stofnað árið 2004 vegna ósæmilegrar hegðunar í garðinum, en þá voru vandamálin frekar vímuefnanotkun og ljótt orðbragð í garðinum. Félag þetta segir að ástandið sé verra nú þar sem fólk sé að stunda lostafulla hegðun fyrir framan börn, sem eiga heima í nágrenninu.
Þá hefur hópurinn einnig hneykslað sig á konum sem sólbaða sig naktar í garðinum. Þá segir í frétt Devon Live, að mögulega séu það vændiskonur.
„Þegar að hitnað í veðri afklæddu einhverjar þeirra sig, þannig að þær voru allsberar. Þeim var alveg sama hver skyldi sjá þær. Á móti þeim var hús þar sem að þrjú lítil börn búa og hinum megin er gamalt og mjög viðkvæmt fólk.“ Sagði Margaret Forbes-Hamilton, stofnandi og formaður kirkjugarða-vina-félagsins.
Hún segir að lögreglan hafi um daginn handtekið þrjár konur og einn karl fyrir ósæmilega hegðun, en að nú séu þau komin aftur. Nú viti þau hver hún er og kalli niðrandi hluti til hennar.
„Þetta er lítill hópur, en hann er mjög ógnandi“
James Salt hefur einnig kvartað yfir þessu. Hann segir að fólk á eiturlyfjum sé að stunda kynlíf í garðinum og að hann hafi reynt að gera yfirvöldum viðvart vegna málsins. Hann hafi þó fengið nóg þegar að einhver úr meintum „dóp“-hópi hafi reynt að komast innum glugga á svefnherbergi hans um miðja nótt.
Julie Birch á einnig heima í nágrenni við kirkjugarðinn ásamt ellefu ára syni sínum. Hún segir að ástandið sé óboðlegt.
„Einni vændiskonunni er alveg sama hvort maður heyri í henni eða ekki. Ég hef oft heyrt í henni. Eina nóttina vakti sonur minn mig um miðja nótt og sagði „mamma þau eru aftur að slást“,“
Torquay hefur gjarnan tekið þátt í keppnum þar sem að bæir berjast sín á milli um það hver þeirra sé bestur. Þar eru hlutir eins og fegurð, orðspor og glæpatíðni bæja oft metinn. Torquay hefur unnið til verðlauna í slíkum keppnum, en ekki er víst hvort að slíkt muni halda áfram.