Hótelerfinginn og raunveruleikastjarnan Paris Hilton virðist ætla að fjalla um mjög persónuleg og erfiða hluti í væntanlegri heimildarmynd, This is Paris framleidd af YouTube Originals. Myndin mun að sögn Paris fjalla um hver hún sé í raun og veru.
„Eitthvað gerðist við mig í æsku, sem ég hef aldrei talað við um,“ segir Paris í trailernum.
Í trailer fyrir myndina má sjá Paris ræða martraðir um sálrænt áfall (e. trauma) sem hún varð fyrir í æsku.
Systir hennar Nicky Hilton segir „Ég heyrði bara öskur, blóðugt morð“ og þá segir Paris, sem virðist vera að tala við foreldra sína: „Ég mátti ekki segja ykkur, því í hvert skipti sem ég reyndi var mér refsað. Ég fæ ennþá martraðir,“
Þá fjallar hún um persónu sína sem hún segist festast í, enda vill hún meina að umrædd persóna hafi hjálpað sér í gegnum áfallið.
„Afsakið, ég er vön að leika þennan karakter, að það verður erfitt að vera ég sjálf,“ segir hún í trailernum, auk þess sem hún segir „Engin þekkir mig,“
Heimildarmyndin verður frumsýnd þann 14 september á YouTube Originals.
Hér að neðan má sjá trailerinn.