Svefnrannsóknar og ráðgjafa fyrirtækið Sleep Standards ætlar sér að borga fimm mismunandi pörum dágóða summu fyrir að stunda kynlíf á átta mismunandi dýnum, til þess að komast að því hvaða dýna er best. Fyrirtækið auglýsir verkefnið sem sannkallað „draumastarf“. Dótturmiðill CBS greinir frá þessu.
Hvert par mun fá 3000 Bandaríkjadali fyrir verkefnið, en það jafngildir 400 þúsund íslenskum krónum.
Sleep Standards er starfrækt í Salt Lake City í Utah-fylki, Bandaríkjunum, en verkefnið er starfrækt þar. Fyrirtækið mun koma með nýja dýnu í hverri viku á heimili paranna, í átta vikur. Það sem pörin þurfa að gera er að gefa hreinskilin dóm um hverja dýnu.
Fyrirtækið segir:
„Við vitum öll að slæm dýna getur leitt til vandamála í svefnherberginu, og að góð dýna gerir gæfumuninn. Til að koma fólki hjá því að leita endalaust að réttu dýnunni, þá datt okkur þessi tilraun í hug.“
Ætlast er til þess að gagnrýnin verði „mjög heiðarleg“: Auk þess sem að pörin munu þurfa að gefa dýnunum einkunn frá einum upp í tíu, á nokkrum mismunandi sviðum:
Auk þess sem hvert par mun fá 3000 dollara, þá munu þau fá eina dýnu að eigin vali, til að eiga eftir tilraunina.
Fólk mun þurfa að vera allavega átján ára til að taka þátt. Til að sækja um þarf að senda mynd, 60 sekúndna kynningarmyndband og tengil á samfélagsmiðla.