fbpx
Fimmtudagur 21.október 2021

Vatnsflaskan þín er örugglega ógeðsleg – Svona veistu hvenær þú átt að skipta henni út

Ritstjórn Bleikt
Mánudaginn 20. apríl 2020 11:30

Ekki missa af Helstu tíðindum dagsins í pósthólfið þitt

Lesa nánar

Endurnýtanlegar vatnsflöskur eru frábærar. Þær eru umhverfisvænar og minna mann á að drekka vatn reglulega yfir daginn sem er allra meina bót.

Yfir tíma geta vatnsflöskur orðið frekar ógeðslegar. En hvenær er kominn tími til að skipta út vatnsflöskunni? Það fer eftir hvers konar vatnsflösku þú ert með.

„Plastflöskur brotna niður með notkun og það ætti að skipta þeim út einu sinni á ári,“ segir Leanne Stapf hjá The Cleaning Authority við PopSugar.

„Glerflöskur eru endingagóðar en brotna auðveldlega, svo þær eru ekki tilvaldar fyrir fólk sem er mikið á ferðinni. Ryðfríar stálflöskur eru sterkbyggðar og það þarf almennt að skipta þeim aðeins út þegar það er kominn tími til.“

Viðvörunarmerki

Það eru nokkur viðvörunarmerki sem þú ættir að fylgjast með þegar kemur að vatnsflöskunni þinni, sama hvaða tegund þú átt.

„Þú ættir að endurnýja vatnsflöskuna þína þegar það er vond lykt úr flöskunni sem þú getur ekki losnað við þegar þú þrífur hana,“ segir Cedrina Calder, læknir í Nashville, við PopSugar.

„Fylgstu einnig með tappanum á flöskunni. Ef það er slímkennt jukk í tappanum sem þú getur ekki fjarlægt með þrifum þá er kominn tími til að endurnýja.“

Að lokum segir Cedrina að ef þú ert með plastflösku og sprungur hafa myndast í plastinu, þá er kominn tími á nýja flösku.

„Sprungur auka líkurnar á að baktería safnist í flöskunni.“

Nauðsynlegt að þrífa flöskuna

Til að halda bakteríum og sýklum frá flöskunni þarftu að þrífa og sótthreinsa flöskuna þína eftir hverja notkun, og já jafnvel þó það þýðir að þú þurfir að þrífa hana á hverjum degi.

„Margir þrífa ekki flöskurnar sínar vikum saman því þær virðast ekki vera skítugar, en útlit getur verið blekkjandi,“ segir Leanne Stapf.

„Baktería vex í myrku og röku umhverfi, sem gerir inni í vatnsflösku að hinu fullkomna ræktunarsvæði fyrir bakteríur.“

Til að losna við vonda lykt mælir Leanne með að hella blöndu af matarsóda og vatni í flöskuna og bíða í tíu mínútur áður en flaskan er skoluð.

Ef þú vilt þrífa flöskuna enn frekar þá geturðu keypt sérstakan flöskubursta og notað hann til að þrífa flöskuna með sápu.

Önnur vinsæl aðferð til að þrífa endurnýtanlegar vatnsflöskur er að nota ediksblöndu (vatn og edik). Eina sem þú þarft að gera er að leyfa blöndunni að vera í flöskunni yfir nóttu og skrúbba svo flöskuna daginn eftir.

Kíktu undir flöskuna þína. Ef hún má fara í uppþvottavél er sérstakt merki á botninum sem segir til um það.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 3 klukkutímum

Reyndu að svíkja út bíl sem er í vörslu lögreglunnar

Reyndu að svíkja út bíl sem er í vörslu lögreglunnar
433Sport
Fyrir 11 klukkutímum

Paul Scholes: „Ég vil ekki vera gleðispillir“

Paul Scholes: „Ég vil ekki vera gleðispillir“
Fókus
Fyrir 12 klukkutímum

Lögreglumaðurinn Baldvin er látinn en nú rætist hans hinsta ósk – „Hann var þverari en andskotinn og það bjargaði lífi hans í mörg ár“

Lögreglumaðurinn Baldvin er látinn en nú rætist hans hinsta ósk – „Hann var þverari en andskotinn og það bjargaði lífi hans í mörg ár“
433Sport
Fyrir 13 klukkutímum

Newcastle biður stuðningsmenn sína um að klæðast ekki arabískum búningum

Newcastle biður stuðningsmenn sína um að klæðast ekki arabískum búningum
433Sport
Fyrir 15 klukkutímum

Byrjunarlið Man Utd í kvöld – Fred og McTominay á miðjunni

Byrjunarlið Man Utd í kvöld – Fred og McTominay á miðjunni
Pressan
Fyrir 15 klukkutímum

Húðflúr á Ötzi gæti verið svarið við eldgamalli ráðgátu

Húðflúr á Ötzi gæti verið svarið við eldgamalli ráðgátu

Tarot Spil

Veldu þér spil og sjáðu spádóm þinn.