Áhrifavaldurinn Tanja Ýr Ástþórsdóttir og kærasti hennar, þúsundþjalasmiðurinn Egill Fannar Halldórsson, hafa verið saman í sóttkví í nokkra daga, allt frá því að Egill kom til landsins eftir ferð til Balí. Tanja og Egill hafa verið saman um nokkurra ára skeið og ákvað DV að lesa í stjörnumerki þeirra og athuga hvernig þau eiga saman.

Egill er fiskur en Tanja Ýr er vatnsberi. Þetta samband þrífst á gagnkvæmri virðingu fyrir hugmyndum og tilfinningum hvort annars. Það er ávallt ys og þys í kringum þetta par og eru þau bæði afar sveigjanleg þegar kemur að því að stökkva á ný tækifæri og ævintýri.

Vatnsberinn er mjög hugmyndaríkur og er sífellt að skapa. Fiskurinn svífur áfram í draumaheimi og saman geta þessi tvö hrint alls kyns sniðugum hugmyndum í framkvæmd. Egill og Tanja Ýr eru bæði mjög lausnamiðuð og eru mjög góð í að líta inn á við þegar kemur að samskiptum við aðra, hvort sem það er makinn eða vinir. Vatnsberinn getur oft verið fljótur að dæma þá sem sjá heiminn ekki eins og hann, á meðan fiskurinn sýnir oft of mikla góðmennsku, jafnvel þeim sem eiga hana ekki skilið.

Vatnsberinn og fiskurinn eru ekki aðeins æðislegir elskhugar heldur mjög góðir vinir. Vandamál eru sjaldséð í þessu sambandi en þegar þau koma upp eru bæði merki mjög fljót til að fyrirgefa og halda áfram með lífið.

Egill
Fæddur: 12. mars 1993
Fiskur
-listrænn
-blíður
-hjartagóður
-tilfinninganæmur
-treystir of mikið
-vill flýja raunveruleikann

Tanja Ýr
Fædd: 9. febrúar 1992
Vatnsberi
-frumleg
-sjálfstæð
-mannvinur
-framsækin
-fjarlæg
-ósveigjanleg