Knattspyrnukappinn Kolbeinn Sigþórsson hefur fundið ástina í örmum Hildar Hilmarsdóttur, fyrrverandi flugfreyju hjá WOW. DV lék því forvitni á að vita hvernig þau eiga saman, ef litið er til stjörnumerkjanna.
Hildur er krabbi en Kolbeinn er fiskur. Þetta ástarsamband er virkilega jákvæður hittingur tveggja sála. Bæði merkin eru umburðarlynd og full af samkennd og fiskurinn dregur sína orku úr hugmyndaauðgi krabbans. Fiskurinn getur opnað augu krabbans fyrir andlegum málefnum og hagsýni krabbans getur leitt til þess að fiskurinn nær að láta alla drauma sína rætast.
Krabbinn elskar það efnislega og þráir að eiga íburðarmikið heimili. Hann hins vegar skilur ekki alltaf þá ánægju sem fylgir naumhyggjulífsstílnum sem fiskurinn þráir. Þó að merkin vinni að mismunandi markmiðum þá ná þau vel saman á tilfinningalegum skala og geta þróað með sér virkilega þýðingarmikið samband.
Þetta samband getur orðið fullt af ævintýrum og stuði. Fiskurinn og krabbinn ná að hífa hvort annað upp og skapa svo djúpa tengingu að ekkert getur spillt henni.
Hildur
Fædd: 1. júlí 1991
krabbi
-þrjósk
-hugmyndarík
-traust
-tilfinningavera
-skapstór
-óörugg
Kolbeinn
Fæddur: 14. mars 1990
fiskur
-ástúðlegur
-listrænn
-vitur
-blíður
-vill flýja raunveruleikann
-treystir of mikið