fbpx
Mánudagur 28.september 2020

„Ég er í hamingjusömu sambandi – en er háð því að senda ókunnugum nektarmyndir“

Ritstjórn Bleikt
Miðvikudaginn 12. ágúst 2020 08:46

Mynd: Getty

Ekki missa af Helstu tíðindum dagsins í pósthólfið þitt

Lesa nánar

Örvæntingarfull kona leitar ráða Dear Deidre, kynlífs- og sambandsráðgjafa The Sun. Þannig er mál með vexti að konan er í hamingjusömu sambandi og elskar kærastann sinn, en hún getur ekki hætt að senda ókunnugu fólki nektarmyndir af sér.

„Ég elska kærastann minn og kynlífið okkar er frábært. En ég er háð því að fá athygli á netinu. Ég er stanslaust að reyna við ókunnugt fólk og stundum skiptumst við á nektarmyndum,“ segir hún.

Getur ekki hætt

„Ég er ekki hrifin af því sem ég er að gera en ég virðist ekki geta hætt. Ég er 23 ára og lífið okkar er spennandi. Kærasti minn er 31 árs fitness þjálfari. Við erum bæði hrifin af BDSM. Það er öruggt og með samþykki, þannig engin vandamál í svefnherberginu,“ segir konan.

„Ég byrjaði að reyna við fólk á netinu fyrir fimm árum síðan. Ég var í ofbeldissambandi með konu á þeim tíma, við vorum saman í þrjú ár. Hún særði mig mikið og ég byrjaði að tala við fólk á netinu til þess að flýja raunveruleikann. Kærastan mín endaði á því að halda framhjá mér. Ég áttaði mig á því hversu eitrað þetta væri allt saman og hafði loksins nógu mikið hugrekki til að fara frá henni.“

Konan segir að lífið var ekki eins erfitt en hún hélt þó áfram að tala við ókunnuga á netinu.

„Kærastinn minn veit um þennan skrýtna sið minn og hefur alltaf vitað af honum. Hann lítur svo á að ég sé ekki að halda framhjá sér. Honum finnst þetta kannski í lagi, en ekki mér. En ég er háð tilfinningunni sem ég fæ, adrenalíninu, þegar ég geri þetta.“

Hún segir að það versta við þetta allt saman er að hún endar oft á því að særa fólkið sem hún talar við á netinu. „Ég segi þeim ekki að ég sé í sambandi og hætti skyndilega að tala við þau, án þess að þau viti af hverju,“ segir hún og bætir við að hún viti að það sé rangt.

Æskan

Deidre gefur konunni ráð og segir að konan þurfi að horfa til fortíðar.

„Þetta byrjaði þegar þú varst í erfiðu sambandi sem unglingur en ég held þú þurfir að hugsa enn lengra til baka. Hvernig var heima hjá þér og uppeldið? Var ofbeldi og drama hluti af lífi þínu sem barn og unglingur? Það gæti líka útskýrt hvernig kynlífið þitt er núna,“ segir Deidre. Hún segir einnig að gjörðir konunnar bendi til þess að konan sé ekki raunverulega hamingjusöm, þrátt fyrir að hún sé ástfangin.

„Ég myndi halda að sársauki fortíðarinnar sé enn til staðar og þú þurfir að fá aðstoð fagaðila. Eftir það ættirðu að vera meira við stjórnvölinn varðandi netvandamál þitt.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Skuldlausir Skagamenn
Pressan
Fyrir 6 klukkutímum

American Airlines tryggir sér lán upp á 5,5 milljarða dollara

American Airlines tryggir sér lán upp á 5,5 milljarða dollara
Fréttir
Fyrir 6 klukkutímum

39 ný smit í gær – Ekki fleiri í einangrun síðan 16. apríl

39 ný smit í gær – Ekki fleiri í einangrun síðan 16. apríl
433Sport
Fyrir 7 klukkutímum

Guardiola búinn að kaupa varnarmenn fyrir 73 milljarða til City

Guardiola búinn að kaupa varnarmenn fyrir 73 milljarða til City
Fókus
Fyrir 7 klukkutímum

Vikan á Instagram: „Suðaði um myndatöku, sést það?“

Vikan á Instagram: „Suðaði um myndatöku, sést það?“
Pressan
Fyrir 10 klukkutímum

Nýtt bréf til Tom Hagen vakti vonir hans

Nýtt bréf til Tom Hagen vakti vonir hans
Pressan
Fyrir 10 klukkutímum

89 ára pizzusendill fékk óvænta sendingu – „Hvernig get ég þakkað ykkur?“

89 ára pizzusendill fékk óvænta sendingu – „Hvernig get ég þakkað ykkur?“

Tarot Spil

Veldu þér spil og sjáðu spádóm þinn.