fbpx
Sunnudagur 25.október 2020

Vinsæll áhrifavaldur auglýsir eftir aðstoðarmanni – Ævintýralegar hæfniskröfur vekja reiði

Guðrún Ósk Guðjónsdóttir
Fimmtudaginn 6. ágúst 2020 09:13

Mynd: Getty

Ekki missa af Helstu tíðindum dagsins í pósthólfið þitt

Lesa nánar

Fræg YouTube-stjarna með yfir tíu milljón fylgjendur er að leita að aðstoðarmanni. Áhrifavaldurinn setur fram lista yfir hæfniskröfur og verkefni aðstoðarmannsins í auglýsingu sem hefur vakið gríðarlega athygli. Auglýsingin vakti fyrst athygli á Twitter en fjölmiðlar á borð við DailyMail og Metro hafa fjallað um málið.

Meðal þess sem aðstoðarmaðurinn þarf að gera er að elda, þrífa, sjá um samfélagsmiðla áhrifavaldsins, vera tilbúinn allan sólarhringinn og aldrei sýna tilfinningar. Hann þarf einnig að hjálpa til við að framleiða efni. „Skipuleggja og undirbúa allar tökur, myndvinnslu og að deila efninu, allt frá byrjun til enda,“ segir í auglýsingunni.

Áhrifavaldurinn er ekki nafngreindur í auglýsingunni en það kemur fram að hann sé kvenkyns og búi í Los Angeles. Starfið var auglýst á EntertainmentCareers.net í síðustu viku.

Alltaf reiðubúinn

Starfið er hlutastarf en ef allt gengur vel mun það breytast í fullt starf. Viðkomandi fær greiddar 3.300-4.000 krónur á klukkutímann. Í ferðalögum fær hann greitt fyrir allan daginn. Starfsmaðurinn þarf samt sem áður að vera á vakt allan sólarhringinn og alltaf reiðubúinn að svara í símann.

Áhrifavaldurinn vill að framtíðaraðstoðarmaður sinn muni ekki aðeins hjálpa til við að búa til efni fyrir samfélagsmiðla, heldur líka að hann sjái um þrif, eldamennsku og keyri sig á milli staða. Á meðan aðstoðarmaðurinn sinnir þessum verkum má hann ekki sýna neinar tilfinningar og má ekki virðast „gera þetta fyrir frægðina.“

Aðstoðarmaðurinn þarf að vera tilbúinn til að ferðast hvert sem er, hvenær sem er. Hann þarf einnig að vekja áhrifavaldinn á hverjum degi og vera tilbúinn með dagskrá fyrir daginn og kaffibolla. Hann þarf einnig „stanslaust“ að fara í gegnum og taka upp úr töskum áhrifavaldsins. Aðstoðarmaðurinn þarf að búa nálægt Los Angeles og þarf að eiga bíl til að geta keyrt áhrifavaldinn um og taka sér eins lítið frí og mögulegt er. Svo má aðstoðarmaðurinn ekki drekka en hann þarf samt að vera félagslyndur.

Verkefnalistinn er mjög langur og þú getur lesið hann hér að neðan.

Reiði á Twitter

Blaðamaður New York Times, Taylor Lorenz, vakti fyrst athygli á starfsauglýsingunni á Twitter. Það er óhætt að segja að auglýsingin hafi vakið reiði og hneykslun meðal netverja. Hér að neðan má sjá nokkur tíst.

F.v.: Tana og Gabbie Hannah

Í grein Metro kemur fram að fjöldi netverja hafi sett fram þá kenningu að YouTube-stjarnan sé Tana Mongeau eða Gabbie Hanna. Hvorugar hafa tjáð sig um málið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 10 klukkutímum

Jafntefli í stórleik umferðarinnar

Jafntefli í stórleik umferðarinnar
433Sport
Fyrir 11 klukkutímum

Mikael hafði betur í Íslendingaslag – Viðar Ari með stoðsendingu í sigri Sandefjord

Mikael hafði betur í Íslendingaslag – Viðar Ari með stoðsendingu í sigri Sandefjord
433Sport
Fyrir 12 klukkutímum

Segir Mourinho hafa brotið sjálfstraustið sitt – „Af hverju gerir hann þetta við fólk?“

Segir Mourinho hafa brotið sjálfstraustið sitt – „Af hverju gerir hann þetta við fólk?“
433Sport
Fyrir 12 klukkutímum

Ajax skoraði 13 mörk í stórsigri

Ajax skoraði 13 mörk í stórsigri
433Sport
Fyrir 13 klukkutímum

Lærisveinar Roy Hodgson unnu Fulham

Lærisveinar Roy Hodgson unnu Fulham
433Sport
Fyrir 14 klukkutímum

Aguero aftur á meiðslalista Manchester City

Aguero aftur á meiðslalista Manchester City
Fókus
Fyrir 14 klukkutímum

Byrjaði að prjóna tólf ára – Uppskrift að fallegum slefsmekk

Byrjaði að prjóna tólf ára – Uppskrift að fallegum slefsmekk
Eyjan
Fyrir 16 klukkutímum

Kappræður varaformannsefna – Heiða Björg og Helga Vala

Kappræður varaformannsefna – Heiða Björg og Helga Vala
433Sport
Fyrir 16 klukkutímum

Guðlaugur Victor kom inn á í svekkjandi jafntefli

Guðlaugur Victor kom inn á í svekkjandi jafntefli
Fréttir
Fyrir 17 klukkutímum
76 ný COVID-19 smit

Tarot Spil

Veldu þér spil og sjáðu spádóm þinn.