Ríka og fræga fólkið er með eitthvað dularfullt aðdráttarafl sem gerir það að verkum að fylgst er með því og það myndað bak og fyrir öllum stundum. Við viljum vita hvað það kaupir sér, hvernig það býr, hvað það gerir í tómstundum og hvernig börnin þeirra líta út. Eins og gengur og gerist eru sum afkvæmi lík foreldrum sínum en önnur ekki og hér eru nokkur dæmi um afkomendur sem eru sláandi líkir öðru foreldri sínu.
Zoe Kravitz og Lisa Bonet: Mæðgurnar eru ákaflega líkar. Lisa Bonet er leikkona sem gerði garðinn frægan í The Cosby Show. Zoe fetaði í fótspor hennar og hefur til að mynda leikið í Big Little Lies og Mad Max: Fury Road.
Uma Thurman og Maya Thurman: Leikkonan Uma á Mayu með leikaranum Ethan Hawk og hún er bæði leikkona og fyrirsæta eins og mamma hennar sem hóf ferilinn á fyrirsætustörfum.
Susan Sarandon og Eva Amurri: Mæðgurnar eru báðar leikkonur og sláandi líkar nema hvað að Eva er sirka hausnum hærri.
Sophie Van Haselberg og Bette Midler: Dóttir gamanleikkonunnar og söngkonunnar Bette er leikkona eins og mamma hennar og virðist líka vera eingetin.
Mamie Gummer og Meryl Streep: Óskarsverðlaunaleikkonan Meryl Streep á þrjár dætur sem allar eru frekar líkar henni en Mamie líkist henni mest. Hún er leikkona alveg eins og móðir hennar.
Lily Rose Depp og Vanessa Paradis: Lily Rose er fyrirsæta og leikkona en mamma hennar þekkt söng- og leikkona í heimalandinu Frakklandi.
Damon Wayans í öðru veldi: Damon Wayans og sonur hans Damon Wayans Jr. eru báðir gamanleikara og næstum því nákvæmlega eins.