Þegar stjörnurnar eru ekki kófsveittar við að búa til TikTok dansa og myndbönd eða taka sjálfur í Covid einangrun eru þær að lita á sér hárið. Bleikt! Bleikur er skemmtilegur litur til að mölva upp útlitið og það sem meira er, bleikur litur spyr ekki um aldur. Allt frá blómarósum á þrítugsaldri á borð við Söru Hyland til roskinnar skvísu á áttræðissaldri eins og Helen Mirren – það eru bókstaflega allir að lita á sér hárið bleikt.
Eins og gefur að skilja eiga ljóskurnar auðveldar með að fá fagurbleikan My Little Pony-blæ en á móti kemur helst liturinn verr nema fjárfest sé í þar til gerðu sjampói. Þær dökkhærðu þurfa helst að lýsa það áður til að ná rétta litnum en við tökum viljann fyrir verkið. Hvort sem stefnt er á ljósrauðan eða skær-sýrubleikan þá er alltaf gaman að breyta aðeins til og í versta falli er bara litað aftur yfir herlegheitin.