Katrín Jakobsdóttir forsætisráðherra viðurkenndi í hlaðvarpsþætti Sölva Tryggvasonar að fjölskyldan yrði stundum út undan vegna vinnuálags. Hún sagðist stundum ekkert skilja í hvernig eiginmaður hennar nennir að vera með henni vegna þessa.
DV lék forvitni að vita hvernig Katrín og Gunnar Örn Sigvaldason eiga saman ef litið er til stjörnumerkjanna.
Katrín er Vatnsberi og Gunnar er Fiskur. Það er ávallt ys og þys í kringum þetta par og þrífst samband þeirra á gagnkvæmri virðingu fyrir tilfinningum og hugmyndum hvors annars. Þrátt fyrir það eiga þau stundum erfitt með að skilja persónuleika hvors annars.
Vatnsberinn á það til að vera of dómharður og taka ákvörðun um fólk sem er ekki sammála honum. Ólíkt maka sínum á Fiskurinn til að vera of góður, jafnvel við fólk sem á góðmennsku hans ekki skilið.
Traust skiptir þau bæði miklu máli og getur farið á gjörólíka vegu. Annaðhvort falla þau í stóran lygavef þar sem þau týnast, eða þau eru ávallt hreinskilin við hvort annað. Hvort það verður, fer algjörlega eftir nándinni á milli þeirra.
13. mars 1978
Fiskur
1. febrúar 1976
Vatnsberi