Talsmaður Ryan Seacrest hughreystir aðdáendur hans og segir að Ryan hafi ekki fengið slag í beinni útsendingu lokaþáttar American Idol. Þátturinn var sýndur síðastliðna helgi á netinu.
Áhyggjufullir aðdáendur Ryans vöktu athygli á málinu þegar þeir tóku eftir að Ryan virtist ekki vera í lagi. Hann talaði óskýrt og hægra auga hans virtist minna en það vinstra.
„Er Ryan Seacrest í lagi? Ég er ekki að gera grín að þessu. Hann fór úr því að vera venjulegur í að tala skringilega með eitt hálflokað auga,“ skrifaði einn netverji á Twitter.
„Er Ryan í lagi? Tók einhver annar eftir auganu hans?“ Sagði annar.
En það er allt í góðu með 45 ára stjörnuna. Talsmaður fyrir Ryan segir að hann sé „að venjast nýjum aðstæðum“ og vinnur mikið.
„Ryan fékk ekki slag í gær. Eins og margir eru að upplifa núna, er Ryan að venjast nýjum aðstæðum og læra að finna jafnvægið á milli heimilis og vinnu, svo bætist ofan á stressið að þurfa að vera með þættina að heiman,“ segir talsmaðurinn og bætir við að Ryan ætlar að taka sér verðskuldað frí í dag.
