Fegurðardrottningin og áhrifavaldurinn Fanney Ingvarsdóttir og unnusti hennar Teitur Páll Reynisson eiga von á öðru barni sínu. DV lék forvitni á að vita hvernig þau passa saman ef litið er til stjörnumerkjanna.
Fanney er Vog og Teitur er Tvíburi. Vogin er kröfuhörð og daðurgjörn. Hún notar daður til að vera samþykkt og elskuð af öðru fólki. Það truflar ekki Tvíburann sem kann að meta frelsið sem það gefur honum í staðinn.
Tvíburinn er framsækinn og félagslyndur. Bæði merkin eru mjög forvitin um annað fólk og eiga mjög auðvelt með samskipti. Þau elska að deila hugmyndum um allt og ekkert, fara á menningarlega viðburði og jafnvel vinna að einhverju verkefni saman.
Ástfanginn Tvíburi vill koma þér til að hlæja eða sjá heiminn í öðru ljósi. Ástfangin Vog sættir sig ekki við hvað sem er og er mjög viðkvæm fyrir ímynd maka síns. Vogin elskar að bjóða í partí og Tvíburinn er félagsvera. Þau eru því par sem á mörg vinapör. Það er gaman að vera í kringum þau, enda halda þau skemmtilegustu matarboðin.
24. september 1991
Vog
– Samviskusöm
– Málamiðlari
– Örlát
– Sanngjörn
– Óákveðin
– Forðast átök
24. maí 1988
Tvíburi
– Forvitinn
– Mikil aðlögunarhæfni
– Fljótur að læra
– Skipulagður
– Taugaóstyrkur
– Ákvarðanafælinn
