Gildir 08. – 14. maí
Hrútur
21. mars–19. apríl
Elsku Hrúturinn deyr ekki ráðalaus og virðist laða að sér fólk sem vill fá álit hjá honum, jafnvel fá hann með sér í einhvers konar samstarf. Farðu inn í vikuna og gerðu strangar kröfur því þú ert með eftirsóknarverða hæfileika
Naut
20. apríl–20. maí
Núna hafa öldurnar róast. Þú finnur það með hverjum deginum hvað þú ert að verða aftur þú sjálf/ur. Allt virðist falla hægt og rólega í réttan farveg. Nú máttu sofna á verðinum. Þessi vika er góður tími til þess að slaka vel á.
Tvíburar
21. maí–21. júní
Þetta er vikan þegar þú færð innblástur til að starta þessu hliðarverkefni sem kosmósið er visst um að muni fylla vasa þína. Finndu alla vega nafn á hugmyndina eða komdu heimasíðu á laggirnar. Það er ágætis byrjun fyrir þessa viku.
Krabbi
22. júní–22. júlí
Krabbinn er vinsæll félagsskapur þessa vikuna. Síminn stoppar ekki. Allir vilja koma út að leika! Farðu út og leiktu þér eins og enginn sé morgundagurinn. Þessir gömlu góðu leikir eins og „yfir“ og „snúsnú“ eru alltaf ávísun á gleði.
Ljón
23. júlí–22. ágúst
Hæ, móðir Teresa! Þú finnur mikla löngun til að gefa til baka og gleðja einhvern. Þú hugsar oft um það en lætur aldrei verða af því, en þessa vikuna gerir þú það. Þú ert einn stór gleðigjafi. Farðu og dreifðu þessu konfettíi á allt og alla (umhverfisvænu konfettíi að sjálfsögðu).
Meyja
23. ágúst–22 .sept
Það reynir á diplómatíska hæfileika þína þessa vikuna. Það stefnir allt í mögulegar fjölskylduerjur sem þú nennir engan veginn að taka þátt í eða hafa í kringum þig. Dragðu djúpt andann og hafðu í huga að þetta fer vel ef þú sprittar spilin þín rétt.
Vog
23. sept–22. okt
Elsku Vog. Þú ert sveimhugi og ávallt með stjörnur í augunum. Þú færð mikinn innblástur þessa vikuna. Skrifaðu niður draumana þína. Einnig færðu tækifæri til að vera stærri manneskjan í ákveðnu máli sem þú munt verða mjög stolt/ur af. „Take the high road, baby!“
Sporðdreki
23. okt–21. nóv
Það birtir til hjá Sporðdrekanum og hann nær fókus á ný. Þú sérð allt miklu skýrara en síðustu vikur og auðvelt verður fyrir að taka erfiðar ákvarðanir því nú er þetta borðleggjandi. Þú veist hvað þú vilt!
Bogmaður
22. nóv–21. des
Þú ert í rauðrófu rómans stuði og elskar allt og alla. Þú ert sérstaklega þakklát/ur fyrir fólkið þitt. Bjóddu þínum/þinni heittelskaða/uðu á stefnumót. Njóttu augnabliksins.
Steingeit
22. des–19. janúar
„I see dead people…“ Þetta er vikan sem þú kafar djúpt inn í yfirnáttúrulega heiminn. Þú finnur mikla löngun til þess að byrja að hugleiða og finna þína innri rödd. Mögulega kikkar innsæið inn og þú færð skilaboð að handan í draumi.
Vatnsberi
20. janúar–18. febrúar
Þvílíkur dugnaður alltaf í þér! Þú hefur unnið hörðum höndum og það jafnvel fyrir lítið. Núna er tími fyrir þig að uppskera það sem þú sáðir. Það getur verið bæði andlegt og veraldlegt en njóttu vel. Þú átt það skilið.
Fiskar
19. febrúar–20. mars
Einfarinn þú hefðir ekkert móti því að það væri enn þá samgöngubann. Allavega eina viku í viðbót. Taktu þinn tíma. Þú þarft ekki að svara öllum viðburðum sem þér er boðið á þessa vikuna. Vertu bara áfram í þinni búbblu. Nægur tími til að vera félagslynd/ur seinna meir, það er hvort eð er bara gluggaveður. Hvað er að þessu fólki sem er að bjóða í grillveislur?